نامەێ فیلیپییل 2:30 - کتاب مقدس به زبان کردی جنوبی - گویش کلهوری

³⁰ چوینکه ئەڕا کار مەسیح تا نزیک مردن چيه نوا و ئەڕا جبران کەم کەسری خزمەتەگەدان وه مه، گیان خوەێ خسته خەتری.

نامەێ فیلیپییل 2:30 Iomraidhean Croise

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

رومیەگان 16:4

ئەوانه ئەڕا گیان من مل خوێان نانه، نه تەنیا مه سپاسێان کەم، بەڵکەم گشت کلیسایل ناجویلەکەیلیش سپاسێان کەن.

یەکم قورنتییل 15:53

چوینکه ئی جەسه که له بین چود باێه جەسەێ که له بین نیەچود بکێده وەر و ئی جەسه که مرێ باێه جەسەێگ بکێده وەرێ که نەمره.

یەکم قورنتییل 16:10

وەختێگ تیموتاوس هات، هوشدان بود تا هویچ نگرانیگ وەناودان نياشتود. چوینکه ئەویش جور من خەریک کار خوداوەنده؛

یەکم قورنتییل 16:17

له هاتن ئستفاناس، فورتوناتوس و ئەخائیکوس خوەشاڵم، چوینکه جێ خاڵیدان پڕ کردنه.

دویم قورنتییل 12:15

جا مه وه خوەشی فرەێگەو هەر چه دێرم دەم تەنانەت گیانمیش دریخ نیەکەم. ئەگەر من ئی هەمگه دوسدان دێرم، ئێ ئیوه باێه کەمتر دوسم بیاشتوین؟

دویم قورنتییل 4:12

جا مەرگ وەناو ئیمه کار کێ، وەلێ زنەیی وەناو ئیوه.

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

نامەێ فیلیپییل 2:27

وه ڕاسی که نەخوەش بی و تەنانەت نزیک بی بمرێ. وەلێ خودا بەزیێ هاته پێ، نه تەنیا وه ئەوه، بەڵکەم وە منیش، تا نەخواێ خەمێگتر باێده مل خەمم.

نامەێ فیلیپییل 4:10

وەناو خوداوەند فره خوەشاڵم که ئێرنگه ئیوه دەس ئاخر ئەو نگرانیه که ئەڕا من دێرین وەناو خوەدان زنەوه کردینه. ئیوه وەڕاسی نگرانم بین، وەلێ دەرفەتێگ ئەڕا نیشان داین ئەوه نیاشتین.

نامەێ فیلیپییل 4:18

من گشت ئەو پویله تاویل گردمه و تەنانەت فرەتر له هەوەجی خوەم دێرم. ئیسه که خەڵاتیلی که ئیوه هناردین له ئەپافرودیتوس تاویل گردمه، له گشت چشتێگ فره فره دێرم. خەڵاتیەگەدان هویرات خوەشبو و قوروانی قەبوڵ کریاێگه که خودا خوەشنود کەێد.

نامه وه فیلیمون 1:13

تواسم له لاێ خوەم گیرێ بێەم تا له ماوەێگ که وەبونەێ ئینجیل هامه زندان، له جێ توی خزمەت وه مه بگرێه ملەو.

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.