نامەێ فیلیپییل 1:20 - کتاب مقدس به زبان کردی جنوبی - گویش کلهوری

²⁰ هەر ئەوجورە که وه تاسەوه چەوەڕێم و ئمیدوارم که وە هویچ چشتێگ شەرمزار نیوم، بەڵکەم وه کەماڵ ئازای، ئێرنگەیش جور هەمویشه، مەسیح وەناو جەسەم جەڵاڵ پەێا کەی، تواێ زنی بوم یا بمرم.

نامەێ فیلیپییل 1:20 Iomraidhean Croise

یوحەنا 21:19

عیسا ئیه وەت تا نیشان بێی که پتروس وه چ شێوەێگ مرێ و خودا جەڵاڵ دەێ. ئمجا عیسا وەته پێ: «وەشونمەو بەو.»

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

کاریل ڕەسولەیل 21:13

وەلێ پولوس جواو دا: «چەدانه گیره کین و دڵم شکنین؟ مه گورجەو بیمه ئەڕا ناو خوداوەند عیسا نه تەنیا بچمه زندان، بەڵکەم وه ئورشەلیم بمرم.»

کاریل ڕەسولەیل 4:31

وەختێ دوعا کردن، ئەو شونه که وەناوێ گردەو بوین کەفته ڕکه و گشتێان له روح‌القودوس پڕ بین و وه ئازای کەڵام خودا وەتیان.

رومیەگان 12:1

جا ئێ برایل، له وەر پرشەێ بەزەیێل خودا، لاڵکمه پێدان که جەسەیلدان جور قوروانیێگ زنی و موقەدەس و دڵخواز خودا پیشکەش بکەن، که پەرەسش روحانی ئیوه هەر ئیەسه.

رومیەگان 5:5

ئمید نیوده بایس شەرمزاریمان، چوینکه مابەت خودا وه وەسلەێ روح‌القودوس که بەخشریاسە ئیمه، ڕشیاسه ناو دڵمان.

رومیەگان 6:13

ئەنامیل جەسەدان نیەنه دەس گونا تا بونه وەسیلەێگ ئەڕا نادرسێ، بەڵکەم جور کەسیلێ که له مەرگ وەرەو زنەیی هاتنەسەو، خوەدان بێەنه دەس خودا و ئەنامیل جەسەدان بێەنه دەس خودا تا بونه وەسیلەێگ ئەڕا سالح بوین.

رومیەگان 6:19

من وەبونەێ بی هازییل سریشت بەشەریدان، ئی چشتیله وەگەرد کەلیمەیل بەشەری ئویشم: هەر ئەوجورە که یەێ وەختێگ ئەنامیل جەسەدان جور خوڵام داینه دەس ناپاکی و خراوی که وەرەو خراوییل فرەتر بەێد، ئێرنگەیش ئەنامیل جەسەدان جور خوڵام بێینه دەس سالح بوینی که وەرەو قودوسیەت بەێد.

رومیەگان 8:19

چوینکه گشت درسکریایل خودا وه تاسەێ تەمام چەوەڕێن تا کوڕیل خودا ئاشکراوه بون.

رومیەگان 9:33

ئەوجورە که وەناو کتاو ئەشعەیاێ پەێخەمەر نویسریاس: «بنوڕ، وەناو کویەێ سەهیون کوچگێگ نەم که بوده بایس کەفتن و تاش کەمەرێگ که بوده بایس وه خوار کەفتن؛ هەر کەس ئیمان بارێده پێ، شەرمزارەو نیود.»

یەکم قورنتییل 15:31

ئێ برایل، قەسەم وه ئەو شانازیه که وەناو خوداوەندمان عیسا مەسیح له باوەت ئیوه دێرم، هەر چی ڕوژه مەرگ قویرتم دەێ.

یەکم قورنتییل 6:20

ئەڕا ئیه که وه نرخ گرانێگ سەنریاینه، جا خودا وەناو جەسەدان جەڵاڵ بێەن.

یەکم قورنتییل 7:34

ویجوره دڵی بین خودا و ژنەگەێ بەشبەشەو بود. هەر ئەوجورە، ژن بێ شوی یا دویەت ئازەو، نگران کاروبار خوداوەنده، نگران ئیه که چوی وه جەسەوه وەناو روح خودا، موقەدەس بود؛ وەلێ ژن شوی دار نگران کاروبار ئی جهانەسه، نگران ئیه که چوی شویەگەێ خوەشنودەو بکێ.

دویم قورنتییل 10:8

چوینکه شەرمزار نیوم تەنانەت ئەگەر قرتکیگ فرەتر شانازی وه ئەو دەسڵاتی بکەم که خوداوەند داسه پێم ئەڕا بنیاد نایندان نه ئەڕا له بین بردندان.

دویم قورنتییل 3:12

جا چوینکه ئیجور ئمیدێگ دێریم، وەئازاییەو قسیه کەیمن؛

دویم قورنتییل 4:10

هەمویشه مەرگ عیسا وەناو جەسەمان هەڵگریمن تا زنەیی عیسایش وەناو جەسەمان ئاشکراوه بود.

دویم قورنتییل 5:15

ئەیو ئەڕا گشتیەکی مرد تا زنییل دیتر ئەڕا خوێان زنەیی نەکەن، بەڵکەم ئەڕا کەسێگ زنەیی بکەن که وەبونەێانەو مرد و زنیەو بی.

دویم قورنتییل 7:14

ئەڕا ئیه که من له لاێ ئەوه شانازی وەپێدان کردم و ئیوه مه شەرمزارەو نەکردین، بەڵکەم هەر ئەوجورە که هەر چی وەپێدان وەتیم درس بی، مالوم بی که شانازیمان له لاێ تیتوسەو درس بیه.

دویم قورنتییل 7:4

مه تویەنم وه ئازای وەگەرددان قسیه بکەم و فره وه پێدان دڵنیام. وه سەر ئی هەمگه بەردیله، فره دڵگەرمەو بویمه و له خوەشی نیقەڵتوزم.

نامەێ فیلیپییل 1:14

فره له برایل وەخاتر زندانی بینم، وەناو خوداوەند دڵ قورسەو بین تا وه ئازای فرەێگەو کەڵام خودا بی هویچ ترسێگ بویشن.

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

نامه وه کولوسییل 1:24

ئێرنگه له رەنجیلێ که وەبونەێ ئیوه کیشام خوەشاڵم و هەر کەم کەسری بەردیلی که مەسیح وەبونەێ جەسەێ یانێ کلیسا کیشاس، وەناو جەسەێ خوەم کامڵەو کەم.

یەکم تسالونیکییل 5:23

با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

یەکم پتروس 4:16

وەلێ ئەگەر کەسێگ وە ناو مەسیحییگ رەنج کیشێد، شەرمزار نود، بەڵکەم خودا وەناو ئی ناوه جەڵاڵ بێید.

یەکم یوحەنا 2:28

جا ئێرنگه، ئێ ڕوڵەیل ورد، وەناو ئەیو نیشتەجێ بوین تا وەخت ئاشکرا بوینی دڵنیا بیمن و وەخت هاتنێ، وه لاێ شەرمزار نویمن.