نامەێ فیلیپییل 1:1 - کتاب مقدس به زبان کردی جنوبی - گویش کلهوری

¹ له پولوس و تیموتاوس خوڵامیل مەسیح عیسا، ئەڕا گشت موقەدەسیل که هانه ناو مەسیح عیسا له شار فیلیپی، وەگەرد هێوەتکەریل و شەماسەیل:

نامەێ فیلیپییل 1:1 Iomraidhean Croise

مەرقوس 13:34

جور پیاێگه که چیه ئەڕا گەردیان و وەختێگیش چیاد، خوڵامەگانێ هیشتویه ئەڕا سەرسامان داین ماڵەگەێ، وه هەر کامێان کارێگ داوید و وه دەربانەگەیشێ دەستور داوید وەخەوەر بمینێ.

یوحەنا 12:26

ئەگەر کەسێگ خزمەتم کەی، باێه بکەفێه شونم؛ مه له هەر کوره بوم، خزمەتکارەگەمیش ها ئەوره. ئەگەر کەسێگ خزمەتم بکێ، باوگ ئاسمانی سەربەرزێەو کەێ.

کاریل ڕەسولەیل 1:20

«چوینکه وەناو کتاو زەبور نویسریاس: ”با ماڵەگەێ چوڵ بود و کەسێگ وه ئەوره نیشتەجێ نود،“ هەر ئیجوره هاتێه: «”با یەکیگ تر کارەگانێ بگرێه دەس.“

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 9:13

وەلێ حەنانیا جواو دا: «خوداوەندا، وه فره کەس لەباوەت ئی پیا شنەفتمه که چەنێ وه ئیمانداریل تو له ئورشەلیم خراوی کردێه.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

رومیەگان 1:7

وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.

یەکم قورنتییل 16:10

وەختێگ تیموتاوس هات، هوشدان بود تا هویچ نگرانیگ وەناودان نياشتود. چوینکه ئەویش جور من خەریک کار خوداوەنده؛

دویم قورنتییل 1:1

له پولوس که وه خاست خودا ڕەسول عیسا مەسیحه و براگەمان تیموتاوس، وه کلیساێ خودا وەناو شار قورنتوس و گشت ئیمانداریل وه مەسیح وەناو سەرئانسەر ناوچەێ ئەخائیه:

نامه وە غەلاتییل 1:10

ئێ ئێرنگه هامه شون ئیه که ئایەمیل مورم بکەن یا خودا؟ یا مه تەقالا کەم ئایەمیل خوەشنودەو بکەم؟ ئەگەر هێمراێ وه شون خوەشنود کردن ئایەمیلەو بویام، خوڵام مەسیح نویام.

نامه وە غەلاتییل 3:26

چوینکه وەناو مەسیح عیسا، ئیوه گشتدان له ڕێ ئیمان، کوڕيل خوداین.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

ئەفسوسیێل 1:1

له پولوس که وه خاست خودا ڕەسول مەسیح عیساس، وه ئیمانداریل وه مەسیح که هانه ناو شار ئەفسوس، وه ئەوانه که وەناو مەسیح عیسا وەفادارن:

ئەفسوسیێل 1:15

وه ئی بونه، چوینکه مه له باوەت ئیمان ئیوه وه خوداوەند عیسا و مابەتدان وه گشت ئیمانداریل وه مەسیح شنەفتم،

ئەفسوسیێل 6:24

فیز خودا وه مل گشت کەسیلێ بود که خوداوەند ئیمه عیسا مەسیح وەگەرد مابەتێگ نەمر دوس دێرن.

نامەێ فیلیپییل 2:19

وەناو خوداوەند عیسا ئمید دێرم که تیموتاوس وه ئی زویه کل بکەمه ئەڕا لادان تا منیش وه ئاگاداری له حاڵ حەواڵدان دڵشادەو بوم.

نامەێ فیلیپییل 2:5

وەناودان هەر ئەو فکره بود که مەسیح عیسا داشت:

نامەێ فیلیپییل 3:12

نیویشم هەر ئێرنگەیش ئیه وه دەس هاوردمه یا هەر ئێرنگەیش کامڵم، بەڵکەم خوەم وەرەو نوا ڕانم تا چشتێگ وه دەس بارم که مەسیح عیسا ئەڕا ئەوه مه کردێەسه هن خوەێ.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

نامەێ فیلیپییل 3:8

وەڕاسی گشت چشتێگ وەبونەێ ناسین خوداوەندم مەسیح عیسا که باێەختر له هەر چی چشته، زیان ژمارم. وەبونەێ ئەیو گشت چشتێگ له دەس دامه و هەر جور گناڵخه وه حساو تیەرم تا مەسیح وه دەس بارم و

یەکم تسالونیکییل 1:1

له پولوس و سیلاس و تیموتاوس، وه کلیساێ شار تسالونیکی که هانه ناو خوداێ باوگ و خوداوەند عیسا مەسیح: فیز و ئاشتی و سڵامەتی وه ملدانەو بود.

یەکم تسالونیکییل 2:2

بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

دویم تسالونیکییل 1:1

له پولوس و سیلاس و تیموتاوس، وه کلیساێ شار تسالونیکی که هانه ناو خودا، باوگ ئیمه و خوداوەند عیسا مەسیح:

دویم تسالونیکییل 1:10

وه ئەو ڕوژه که ئەیو تێد تا وەناو ئیمانداریل خوەێ جەڵاڵ پەێا بکێ و له ناو گشت ئەوانه که ئیمان هاوردنه، بوده سەوەو سەر سڕ هاتن. ئیه ئیوەیش گرێده وەر، ئەڕا ئیه که وه شاێەتی ئیمه ئیمان هاوردینه.

یەکم نامەێ تیموتاوس 1:2

وه تیموتاوس، ڕوڵەێ ڕاسەکانیم وەناو ئیمان: فیز و رامەت و ئاشتی و سڵامەتی وه لاێ خوداێ باوگ و خوداوەندمان مەسیح عیسا وه ملدەو بود.

یەکم نامەێ تیموتاوس 3:8

هەر ئیجوره شەماسەیل باێه سەنگین ڕەنگین بون؛ نه دوڕوی، یا گیرودەێ شراوخوەری یا وەشون مەمەر نا پەسەن بون.

تیتوس 1:1

له لاێ پولوس، خوڵام خودا و ڕەسول عیسا مەسیح. مه دیاری کریام که ئیمان هەڵوژاریەگان خودا وه قەوەتەو بکەم و ڕاسیێگ که ها مل دینداری، بویشم.

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

نامه وه فیلیمون 1:1

له پولوس، زندانی مەسیح عیسا و براگەمان تیموتاوس، وه هاوکار عەزیزمان فیلیمون،

عبرانییل 13:23

ئیوه باێه بزانین که براگەێ ئیمه تیموتاوس ڕزگار بیه. ئەگەر ئەوه زوی باێد، وەگەردیەو تیەم تا بوینمەدان.

یاقوب 1:1

له یاقوب، خوڵام خودا و خوداوەند عیسا مەسیح، وه دوانزه هوز قەوم ئێسرائیل که وەناو جهان تەفرتوینان. سڵام!

یەکم پتروس 2:25

چوینکه هەر جور پەسیل ڕێ گوم کریاێگ بین، وەلێ ئیسه وەرەو شوان و هێوەتکەر گیانیلدان هەڵوگەردیاینه.

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

وەحی وه یوحەنا 1:1

وەحی عیسا مەسیح، که خودا بەخشاسه پێ تا ئەو چشتیله که باێه وه ئی زویه هەڵبکەفێ، وه خوڵامیل خوەێ نیشان بێید و ئەوه وەگەرد کل کردن فریشتەێ خوەێ وه خولامەگەێ خوەێ یوحەنا ئاشکرا کرد.

وەحی وه یوحەنا 1:20

راز ئەو هەفت هەساره که له دەس ڕاس من دێ و راز ئەو هەفت چراخدان تەڵا ئیەسه: ئەو هەفت هەساره، فریشتەیل هەفت کلیسان و ئەو هەفت چراخدانه، هەفت کلیسان.

وەحی وه یوحەنا 19:10

ئمجا کەفتمه بان پایلێ تا بپەرەسمەێ. وەلێ وەپێم وەت: «نەبایه توی ئی کاره بکێ! منیش هەر جور توی و برایل توی که لچکینه شاێەتی عیسا، خزمەتکار ئەیوم. خودا بپەرەس! چوینکه شاێەتی عیسا، روح نەبوەته.»

وەحی وه یوحەنا 2:12

«وه فریشتەێ کلیساێ شار پرگاموم بنویس: «ئەیو که شمشێر فره تێژ دو دەمێگ دێرێ، ئیجوره ئویشێد:

وەحی وه یوحەنا 2:8

«وه فریشتەێ کلیساێ شار ئسمیرنا بنویس: «ئەیو که سەرەتاس، ئەیو که ئاخره، ئەیو که مرد و ئەیو که زنیەو بی، ئیجوره فەرمایش کەێد:

وەحی وه یوحەنا 22:9

وەلێ ئەو وه مه وەت: «نەبایه ئیجوره بکێ! منیش هەر جور توی و برایل توی، یانێ پەێخەمەریل و جور ئەوانه که کەڵام ئی کتاوه پارێزنن، خزمەتکارم. خودا بپەرەس.»