دویم تیموتاوس 4:7 - کتاب مقدس به زبان کردی جنوبی - گویش کلهوری

⁷ جەنگ خاسەگە جەنگیمه، موسابقەگه رەسانمەسه ئاخر و ئیمانم بی خڵت خەوش پارێزانمه.

دویم تیموتاوس 4:7 Iomraidhean Croise

لوقا 11:28

وەلێ عیسا وەت: «نه، بەڵکەم خوەش وه حاڵ ئەوانه که کەڵام خودا شنەفن و وه جێ تیەرن.»

لوقا 8:15

وەلێ تویەمیلی که کەفنه ناو زەوی خاس، کەسیلێگن کەڵام خودا وەگەرد دڵ پاک و خاس شنەفن و خوێان پارێزنن، بەردەوام مینن و بەر تیەرن.

یوحەنا 17:6

«من ناو تو ئەڕا مەردمێگ که وه ئی جهانه وەپێم بەخشیده، ئاشکرا کردمه. ئەوانه هن تو بین و تو وەپێم بەخشایده، ئەوانیش کەڵامد پارێزاننه.

یوحەنا 4:34

عیسا وەپێان وەت: «خواردەمەنی مه ئیەسه که خاست ئەیو که کلم کردێه وه جا بارم و کارەگەێ تەمام بکەم.

کاریل ڕەسولەیل 13:25

وەختێ یەحیا دەورێ خزمەت خوەێ وه ئاخر رەسان، وەت: ”من وه کی زانین؟ من ئەوه نیم؛ بەڵکەم ئەوه وەشون مه تێد و مه تەنانەت شایسه نیم بەن کەوشەگانی واز بکەم.“

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

نامه وە غەلاتییل 2:2

مه وەبونەێ وەحیێگ که گردوێم، چیم و ئەو ئینجیله که وەناو ناجویلەکەیل جار دەم، وەتمه پێان تا دڵنیا بوم که وه هویچ پەتی نەدەویام یا نەدەویمه هەر چەن که ئيه وه تەنیایی، وەتمه ئەوانه که چماێ ئایەمیل بەناوبانگێگ بین.

نامەێ فیلیپییل 1:30

چوینکه ئیوەیش تویش ئەو کیشکاشینه که دین منیش تویش ئەوه بیم و ئێرنگەیش شنەفین که هێمراێ تویش ئەوەمه.

یەکم نامەێ تیموتاوس 1:18

کوڕەگەم، تیموتاوس، ئی حوکمه وه ڕوی نەبوەتیلێگ که وەرجه ئیه له باوەت تنەو بیه، سپارمه پێد تا وه مەیەت ئەوانه وه خاسێ جەنگین ئەڕا خودا، بویده نوا،

یەکم نامەێ تیموتاوس 6:12

له جەنگ خاس ئیمان تەقالا بکه و بلچکیه ئەو زنەیی ئەبەدی که ئەڕا ئەوه دەنگ کریایه، ئەو وەخته که وه نوای شاێەتیل فرەێگ، ئێقرار خاسەگه کردی.

یەکم نامەێ تیموتاوس 6:20

ئێ تیموتاوس، ئەمانەتێگ که وه پێد سپاریاس، بپارێزن. له قسیەیل مفت دنیایی و فکریل خەڵافێگ که وه درو، ناوێ نانەسه ماریفەت، دویرەو بگر؛

دویم تیموتاوس 1:14

وه مەیەت روح‌القودوس که لەناو ئیمه نیشتەجێه، هوشده ئەو ئەمانەت خاسەو بود که وه پێد سپاریاس،

دویم تیموتاوس 3:10

وەلێ توی له تالیم و ڕێ رەوشت و ئامانج و ئیمان و سەور و مابەت و تاموڵم خەوەر دێرێ و

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

وەحی وه یوحەنا 3:8

کردەوەد زانم. بنوڕ، دەر واز کریاێگ له وەر دەم تو نامه که هویچکەسێگ نیەتویەنێ بوەسیدێ. زانم که هێز کەمێگ دێرێ، وەلێ کەڵام مه پارێزانیده و ناو مه حاشا نەکردیده.

وەحی وه یوحەنا 6:11

ئمجا وه هەر کام له ئەوانه، بەتیەێ چەرمێگ دریاد و وەتریاده پێان که قێرێگ‎تر ئارام بگرن تا وەختێگ که ژمارەێ هاوخزمەتیل و برایلێان که باێه جور ئەوانه بکوشریەن، کامڵەو بود.