دویم تیموتاوس 4:5 - کتاب مقدس به زبان کردی جنوبی - گویش کلهوری

⁵ وەلێ توی وه هەر حاڵێگەو هوشد بود؛ سەختییل ئەڕا خوەد هامارەو بکه؛ کار مزگانیدەر وه جێ بار و خزمەت خوەد وه کەماڵ وه جێ بار.

دویم تیموتاوس 4:5 Iomraidhean Croise

ئنجیل مەتا 25:16

ئەوه که پەنج کیسەێ تەڵا گردوی، زویزی چی وەگەردێ کار کرد و پەنج کیسەێ تریش قازانج کرد.

مەرقوس 13:34

جور پیاێگه که چیه ئەڕا گەردیان و وەختێگیش چیاد، خوڵامەگانێ هیشتویه ئەڕا سەرسامان داین ماڵەگەێ، وه هەر کامێان کارێگ داوید و وه دەربانەگەیشێ دەستور داوید وەخەوەر بمینێ.

مەرقوس 13:37

ئەوه که وه ئیوه ئویشم، وه گشتیەکی ئویشم: وەخەوەر بون!»

لوقا 12:37

خوەش وه حاڵ خوڵامیلێگ که وەختێ گەورەێان باێدەو، ئەوانه وه خەوەر و هوشیار دوینید. وه ڕاسی، وەپێدان ئویشم، خوەێ ناوقه ئەڕا خزمەت کردنێان بەسێد؛ بەڵێ، تیەرێ نێدیانه سەر سفره و تێدە نوا، له لێان مێواندارێ کەی.

کاریل ڕەسولەیل 21:8

ئی ڕوژەگەێ، له ئەوره چیمن و هاتیمنه شار قیسەریه وه ماڵ فیلیپوس مزگانیدەر، یەکی له ئەو هەفت نەفەره که له ئورشەلیم دەسنیشان کریاوین، جا مەنیمنه لاێ.

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.

ئەفسوسیێل 4:11

جا ئەیو بی که بەخشی ڕەسولەیل، نەبوەتکەریل، مزگانیدەریل، شوانیل و ماموستایل،

ئەفسوسیێل 4:12

تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

نامه وه کولوسییل 1:25

مه وه پێ خزمەت هێوەتکەرێگ که خودا ئەڕا خێریەت ئیوه وەپێم سپارد، بیمه خزمەتکار کلیسا، تا کەڵام خودا وه کەماڵ وه ئیوه بناسنم،

نامه وه کولوسییل 4:17

وه ئارخیپوس بویشن: «هوشد بود تا خزمەتی که وەناو خوداوەند پەێا کردیده وه کەماڵ برەسنێ.»

یەکم تسالونیکییل 5:6

جا بان تا جور ئەوباقی مەردم خەو نەکەفێه پێمانەو، بەڵکەم وه خەوەر و هوشیار بویمن.

یەکم نامەێ تیموتاوس 4:12

مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

یەکم نامەێ تیموتاوس 4:15

ئی چشتیله وه جێ بار و خوەد وه تەمامی ئەڕا ئەوه بنه تا پێش کەفتند ئەڕا گشتیەکی ئاشکرا بود.

دویم تیموتاوس 1:8

جا، له شاێەتی داین وه خوداوەند ئیمه شەرمزار نەو، نه ئەڕا مه که وه خاتر ئەوه هامه زندان، بەڵکەم تنیش وه پاڵەو داین وه هێز خودا له زامەت کیشاین ئەڕا ئینجیل بەشدارەو بو.

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

دویم تیموتاوس 2:3

هەر جور سەرباز شایسەێ مەسیح عیسا، له تاموڵ رەنجیل بەشدارەو بو.

دویم تیموتاوس 4:17

وەلێ خوداوەند له لاێ مه وساد و تویەنایی دا پێم تا کەڵام له ڕێ مه وه کەماڵ بانگەوازی بکرێید و گشت ناجویلەکەیل بشنەفنێ. جا، له دەم شیر دەرچیم.

عبرانییل 13:17

گوش له ڕابەريلدان بتەکنن و له لێان پێرەوی بکێن؛ چوینکه ئەوانه چەویان ها له گیانیل ئیوه و باێه حساو بیەنەو. بیلێن تا ئەوانه ئیه وه شادمانی بکەن نه وەگەرد ئاخ هەڵکیشان و ناڵین، چوینکه ئیه وه نەفدان نیه.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

وەحی وه یوحەنا 3:2

له خەو هەڵسەپا و ئەو چشته که مەنیه و نزیکه بمرێ، وه قەوەتێەو بکه! ئەڕا ئیه که کاریل تو له چەو خوداێ خوەم کامڵەو نێیمه.