دویم تیموتاوس 2:5 - کتاب مقدس به زبان کردی جنوبی - گویش کلهوری

⁵ هەر وه ئیجور، پاڵەوانێگ که نەفەس کیش تواێ، تاج قارەمانی نیەگرێ ئەگەر وه ڕوی یاسایل زوران نەگردوی.

دویم تیموتاوس 2:5 Iomraidhean Croise

لوقا 13:24

«فره تەقالا بکەن تا له دەر تەنگ بچنه ناو، چوینکه وەپێدان ئویشم، فره له کەسیلێگ زور کەن تا بچنه ناو، وەلێ نیەتویەنن.

نامەێ فیلیپییل 1:15

وه ڕاسی بڕێگ له ڕوی حەسویی و هاوماڵی، مەسیح بانگەوازی کەن، وەلێ بڕێگتر وه نیەت خاسێگ.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

عبرانییل 12:4

هێمراێ له جەنگ خوەدان وه زد گونا تا پاێ گیان نەوساینه.

عبرانییل 2:7

ئەوه ئەڕا ماوەێ کەمێگ خوارتر له فریشتەیل درسی کردی، تاج جەڵاڵ و حرمەت نایدەسه بان سەری

عبرانییل 2:9

وەلێ ئەیو دوینیمن که ماوەێ کەمێگ خوارتر له فریشتەیل دانریا، یانێ عیسا، که وه خاتر ئیه که رەنج مەرگ کیشا، تاج جەڵاڵ و حرمەت نریا بان سەری، تا وه پێ فیز خودا ئەڕا گشتیەکی تام مەرگ بکێ.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 3:11

«و ئی زویه تیەم. ئەو چشته که ديری، قورس بگرێ تا کەسێگ تاجەگەد له لێد نەسنێ.

وەحی وه یوحەنا 4:10

ئەو بیس و چوار پیره، له وەر دەم تەخت نشینەگه کەفنه مل خاک و پەرەسش ئەیو کەن که له ئەبەد تا ئەبەد زنیه، ئەوانه تاجیل خوێان خەنه نوای تەختەگه و ئویشن:

وەحی وه یوحەنا 4:4

دەورادەور تەختەگه، بیس و چوار تەخت تریش بی که له بان ئەوانه بیس و چوار پیر دانیشتوین. ئەوانه دڵنگ چەرمگ له وەرێان و تاج تەڵا له بان سەریان بی.