دویم تیموتاوس 2:3 - کتاب مقدس به زبان کردی جنوبی - گویش کلهوری

³ هەر جور سەرباز شایسەێ مەسیح عیسا، له تاموڵ رەنجیل بەشدارەو بو.

دویم تیموتاوس 2:3 Iomraidhean Croise

کاریل ڕەسولەیل 23:31

جا سەربازیل وه پێ دەستور، شەوەناو پولوس وەگەرد خوێان تا شار ئانتیپاتریس بردن.

یەکم قورنتییل 13:7

مابەت وەگەرد گشت چشتێگ کەفێه یەک، مابەت گشت چشتێگ باوەڕ کێ، مابەت هەمویشه ئمید دێرێ، مابەت وەناو گشت چشتێگ تاموڵ دێرێ.

یەکم قورنتییل 9:7

کیه که وه خەرج خوەێ سەربازی بکێ؟ کیه که باخ ئەنگویرێگ بخێ و له میوەگەێ نەخوەێ؟ یا کیه که ڕیەنێگ شوانی بکێ و له شیرەگەێ بەشێگ نیاشتود؟

دویم قورنتییل 1:6

ئەگەر تویش بەرد تێیمن، وەبونەێ دڵنەوایی و نجات ئیوەس، جا ئەگەر دڵنەوایی چەوەڕێمانه، ئیەیشه باێه بوده بایس دڵنەواییدان، یانێ وەختێ که ئیوەیش جور ئیمه تویش ئەو عەزاویله تێین، سەور و تاموڵ بیاشتوین.

یەکم نامەێ تیموتاوس 1:18

کوڕەگەم، تیموتاوس، ئی حوکمه وه ڕوی نەبوەتیلێگ که وەرجه ئیه له باوەت تنەو بیه، سپارمه پێد تا وه مەیەت ئەوانه وه خاسێ جەنگین ئەڕا خودا، بویده نوا،

دویم تیموتاوس 1:1

له پولوس، که وه خاست خودا و وه بونەێ وادەێ ژیانێگ که وەناو مەسیح عیسا پەێا بود، ڕەسول مەسیح عیساس،

دویم تیموتاوس 1:8

جا، له شاێەتی داین وه خوداوەند ئیمه شەرمزار نەو، نه ئەڕا مه که وه خاتر ئەوه هامه زندان، بەڵکەم تنیش وه پاڵەو داین وه هێز خودا له زامەت کیشاین ئەڕا ئینجیل بەشدارەو بو.

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

دویم تیموتاوس 2:9

که وه بونەێ هامه ناو رەنج، تا وه ئەو ئەنازه که هەر جور جرم کەریل کیشانەسەمه زنجیر. وەلێ کەڵام خودا له زنجیر نیه.

دویم تیموتاوس 3:11

عەزاویلێگ که کیشامه و رەنجیلێ که دیمه، دیده‎ و له ئەو چشته که له شاریل ئەنتاکیه، قونیه و لستره وه سەرمەو هات و عەزاویلێگ که و مه رەسێ، خاس ئاگاداری. وەلێ خوداوەند مه له ناو گشت ئەوانه دەراورد.

دویم تیموتاوس 4:5

وەلێ توی وه هەر حاڵێگەو هوشد بود؛ سەختییل ئەڕا خوەد هامارەو بکه؛ کار مزگانیدەر وه جێ بار و خزمەت خوەد وه کەماڵ وه جێ بار.

نامه وه فیلیمون 1:2

وه خویشگمان ئاپفیا و هاورەزم ئیمه ئارخیپوس و کلیساێگ که ها ناو ماڵد:

عبرانییل 10:32

وەلێ ئەو ڕوژیل جارانه بارنه هویردان، وەختێگ که تازه وەگەرد نویر خودایی نویرانیەو بوین؛ له ناو ئەو ڕوژیله، وه تاموڵ رەنجیل وەناو جەنگین سەختێگ بەردەوامی داینه خەرج.

عبرانییل 11:27

وه ئیمان بی که موسا مسر هیشته جێ و له توڕەیی پادشا ڕخێ نەچی، چوینکه ئەوه جور کەسێگ که خوداێ نادیاری هەمویشه له وەر چەویل خوەێ دوینید، بەردەوام بی.

عبرانییل 6:15

وه ئیجوره، ئێبراهیم وه سەورەو چەوەڕێ بی و وادەگه گرد.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.