دویم تیموتاوس 2:21 - کتاب مقدس به زبان کردی جنوبی - گویش کلهوری

²¹ جا هەر کەسێگ خوەێ له چشتیل ناپەسەن پاک بپارێزنێد، دەفرێگه که وه دەرد کاریل خاس خوێد، دەفرێگ پاک و وه ‎دەرد خوەر ئەڕا خاون ماڵ و گورج ئەڕا هەر کار خاسێگ.

دویم تیموتاوس 2:21 Iomraidhean Croise

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

یەکم قورنتییل 5:7

جا خوەدان له خەویرترش کویەنه پاکەو بکێن تا بوینه خەویر تازه، ئەوجورە که ئیوه وه ڕاسی فەتیرەین. چوینکه مەسیح، وەرک پسەخ ئیمه، قوروانی بیه.

دویم قورنتییل 7:1

ئێ عەزیزەیل، ئیمه که ئی وادەیله دێریم، بان خوەمان له هەر ناپاکی جەسه و روح پاکەو بکێم و وەناو زاورچین له خودا، موقەدەس بیێن وه کەماڵ برەسنێم.

دویم قورنتییل 9:8

جا خودا تویەنێ هەر نیمەتیگ ئەڕادان فرەوه بکێ تا وه گشت چشتێگ ئەڕا هەمویشه گشت هەوەجێیلدان بەراورده بکێ و ئەڕا وەجێ هاوردن هەر کار خاسێگ، وه فراوانی بیاشتوین.

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

یەکم نامەێ تیموتاوس 6:11

وەلێ توی ئێ پیاێ خودا، له گشت ئیانه دەر بچو، له شون سالح بوین و دینداری و ئیمان و مابەت و بەردەوامی و دڵنەرمی بو.

دویم تیموتاوس 2:16

له قسیەیل مفت و وەدەردنەخوەر پارێز بکه، که هەر چێ فرەتر ئایەم وەرەو خودانەناسی کیشێد.

دویم تیموتاوس 2:20

وەناو ماڵ گەوراێگ، تەنیا دەفریل تەڵا و نقره نیه، بەڵکەم دەفریل چویی و خەڕێنیش هەس؛ ئەوانه وه دەرد کاریل خاس خوەن، ئیانه وه دەرد کاریل دەم دەسێ.

دویم تیموتاوس 3:17

تا پیاێ خودا وه کەماڵ ئەڕا هەر کار خاسێگ گورجەو بود.

دویم تیموتاوس 4:11

تەنیا لوقا ها گە‎رد منەو. مەرقوس هەڵگر وەگەرد خوەد بارێ، چوینکه ئەڕا خزمەتەگەم فایده دێرێد.

تیتوس 3:1

باره هویرێان که له حاکمیل و دەسڵاتداریل گوش بتەکنن و مل بوەنه ژێر فەرمانێان و ئەڕا هەر کار خاسێگ گورجەو بون؛

تیتوس 3:14

بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.