دویم تیموتاوس 1:9 - کتاب مقدس به زبان کردی جنوبی - گویش کلهوری

⁹ هەر ئەو خوداێگ که ئیمه نجات داس و ئەڕا زنەیی موقەدەس دەنگ کردێه. ئیه نه وه سەوەو کاریل ئیمه، بەڵکەم وه خاتر خاست و فیز خود ئەیوه، فیزێگ که وه ناو مەسیح عیسا له ڕوژگاریل ئەزەڵ وه ئیمه بەخشا،

دویم تیموتاوس 1:9 Iomraidhean Croise

ئنجیل مەتا 1:21

مریەم کوڕێ تیەرێ و توی ناوێ نێده عیسا، چوینکه ئەیو قەوم خوەێ له گونایلێان نجات دەێ.»

لوقا 10:21

هەر ئەو وەخته، عیسا جار دا: «باوگه، خاون ئاسمان و زەوی، سپاسد کەم که ئی چشتیله، له زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده. ئەرێ، باوگه، چوینکه خوەشنودی تو وه ئیه‎ بی.

یوحەنا 17:24

باوگه، توام ئەوانه که دایدەسه پێم له هەر کوره بوم وەگەردمەو بون، تا جەڵاڵ مه بوینن، هەر ئەو جەڵاڵێگ که دایدەسه پێم؛ چوینکه وەرجه دامەزرانن جهان دوسم داشتی.

یوحەنا 17:9

مه ئەڕا ئەوانه دوعا کەم؛ ئەڕا ئی جهانه دوعا نیەکەم، بەڵکەم ئەڕا ئەوانه دوعا کەم که تو بەخشایدەسه پێم، چوینکه هن تنن.

یوحەنا 6:37

گشت کەسیلێگ که باوگ ئاسمانی دەێده پێم، تێدە ئەڕا لام؛ هەر کەسێگیش باێده ئەڕا لام، هەراێهەر نیەکەفمه ڵی.

کاریل ڕەسولەیل 15:18

کاریلێگ که له جارانەو مالوم بوی.“

کاریل ڕەسولەیل 2:47

ستایش خودا کردیان. لەلاێ گشت مەردم عەزیز بین؛ خوداوەندیش هەر ڕوژ ئەوانه که نجات پەێا کردیان، وه جەمیان فێشترەو کردیا.

رومیەگان 11:14

تا یە جورێگ هاونژادیل جویلەکەم بارمه سەر غیرەت و ویجوره بڕێگیان نجات بێەم.

رومیەگان 11:29

چوینکه خودا خەڵاتییل و داوەتەگەێ خوەێ نیە‎سێنێدەو.

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

رومیەگان 3:20

چوینکه وەگەرد وه جێ هاوردن کردەوەێ شەریعەت هویچ بەشەرێگ له وەر چەو خوداوه سالحان وه حساو نیەتێید، چوینکه شەریعەت له باوەت گونا ئاگادارمان کەێد.

رومیەگان 9:11

- ئەڕا ئیەک ئامانج خودا وەناو هەڵوژاردن بەردەوام بمینێ، نه وەبونەێ کردەوه، بەڵکەم وەبونەێ ئەیو که دەنگ کەێد - وەرجه ئەوه که مناڵیلێ بانه دنیا، یا کار خاس یا خراوێگ بکەن

رومیەگان 9:24

ئیمیش که ئەیو دەنگمان کردێه، له ئی دەفریل بەزەیێمنه، که نه تەنیا له جویلەکەیل، بەڵکەم له ناجویلەکەیلیش هەن.

یەکم قورنتییل 1:18

چوینکه پێخام سەلیب ئەڕا ئەوانه که وەرەو نابودی چن گیلگەوجیه، وەلێ ئەڕا ئیمه که هایمنه ڕێ نجات هێز خوداس.

ئەفسوسیێل 1:11

ئیمه وەناو مەسیح میراتیێگ وه دەس هاوردیمنه، چوینکه وه پێ ئامانجەگەێ که گشت چشتێگ وه پێ نەخشەێ خاست خوەێ وه جێ تیەرێ، له جارانەو دیاری کریاویمن،

ئەفسوسیێل 1:9

خودا وەگەرد ئی کاره راز خاست خوەێ وه پێ ئامانجەگەێ که وەناو مەسیح ئاشکرا کردێه، وه ئیمه ناسان

ئەفسوسیێل 2:5

تەنانەت وەختێ که وەناو خەتایلمان مردویمن، ئیمه وەگەرد مەسیح زنیەو کرد. جا له ڕێ فیزه که نجات پەێا کردینه؛

ئەفسوسیێل 3:11

ئیه وه پێ ئەو ئامانج ئەزەڵیە بی که خودا ئەوه وەناو خوداوەند ئیمه مەسیح عیسا هاوردێەسه دی،

نامەێ فیلیپییل 3:14

ئەڕا وه ئامانج ڕەسین تەقالا کەم، تا خەڵاتێگ وه دەس بارم که خودا ئەڕا ئەوه مه وەناو مەسیح عیسا دەنگ کردێەسه بان.

یەکم تسالونیکییل 4:7

چوینکه خودا ئیمه نه وه ناپاکی بەڵکەم وه قودوسیەت دەنگ کردێه.

یەکم نامەێ تیموتاوس 1:1

له پولوس که وه حوکم نجات دەر ئیمه خودا و ئمیدمان مەسیح عیسا، ڕەسول مەسیح عیساس؛

دویم تیموتاوس 1:1

له پولوس، که وه خاست خودا و وه بونەێ وادەێ ژیانێگ که وەناو مەسیح عیسا پەێا بود، ڕەسول مەسیح عیساس،

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

عبرانییل 3:1

جا ئێ برایل موقەدەس که وەناو دەنگ کردنەگەێ ئاسمانی هاوبەشین، فکردان بنەنه مل عیسا که ئەیوه ڕەسول و کاهن گەوراێگ که ئیمانه پێ دێریم و ئێقرارێ کیم.

یەکم پتروس 1:20

ئەیو وەرجه ئیه که جهان دامەرزیەد دیاری کریا، وەلێ له ئی زەمانیل ئاخره وه بونەێ ئیوه ئاشکراوه بوی.

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.