یەکم نامەێ تیموتاوس 1:1 - کتاب مقدس به زبان کردی جنوبی - گویش کلهوری

¹ له پولوس که وه حوکم نجات دەر ئیمه خودا و ئمیدمان مەسیح عیسا، ڕەسول مەسیح عیساس؛

یەکم نامەێ تیموتاوس 1:1 Iomraidhean Croise

لوقا 1:47

روحم وەبونەێ نجات دەرم خودا، کەیف و خوەشی کەی،

لوقا 2:11

چوینکه ئیمڕو وەناو شار داود پادشا، نجات دەرێگ ئەڕادان هاته دنیا. ئەوه خوداوەند مەسیحه.

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

یەکم قورنتییل 1:1

له پولوس، که وه خاست خودا دەنگ کریایه تا بوده ڕەسول مەسیح عیسا، هەر ئیجوره له براگەمان سوستنس،

یەکم قورنتییل 9:17

چوینکه ئەگەر وه خاست خوەم ئی کاره بکردیام، دەسخوەشانەێگ داشتیام؛ وەلێ ئەگەر وه خاست خوەم نود، تەنیا ئەو چشته که ها کوڵمەو وه جێ تیەرم.

دویم قورنتییل 1:1

له پولوس که وه خاست خودا ڕەسول عیسا مەسیحه و براگەمان تیموتاوس، وه کلیساێ خودا وەناو شار قورنتوس و گشت ئیمانداریل وه مەسیح وەناو سەرئانسەر ناوچەێ ئەخائیه:

نامه وە غەلاتییل 1:1

له پولوس، ڕەسولێگ که ڕەسالەتەگەێ نه له لاێ ئایەمیل و نه وه وەسلەێ ئایەم، بەڵکەم وه وەسلەێ عیسا مەسیح و خوداێ باوگه که ئەیو له مردگیل زنیەو کرد،

نامه وە غەلاتییل 1:11

ئێ برایل، توام بزانین ئینجیلێگ که مه بانگەوازی کردم، ئینجیلێگ ئنسانی نیه،

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

یەکم نامەێ تیموتاوس 1:12

سپاس خوداوەندمان مەسیح عیسا که وه مه تویەناێ داس و شایسەێ دڵنیایی وه حساو هاورد و وه خزمەت خوەێ هەڵوژارد.

یەکم نامەێ تیموتاوس 2:3

ئەڕا ئیه که کار خاس و دڵخواز نجات دەر ئیمه خودا هەر ئیەسه

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

یەکم نامەێ تیموتاوس 4:10

که ئیمه ئمید خوەمان وه مل خوداێ زنی نایمنه که نجات دەر گشت ئایەمیل وه تایبەتی ئیمانداریله؛ و هەر ئەڕا ئیەیشه زامەت کیشیم و زور زمەکی کیم.

تیتوس 1:3

له وەخت مناسو، ئەو واده ئاشکرا بی، وەناو پێخامێگ که جار داینێ وه دەستور نجات دەر ئیمه خودا، وه من سپاریاد؛

تیتوس 2:10

له ئەوانه دزی نەکەن، بەڵکەم باێه ئیمان خاس وه تەمامی نیشان بێەن تا ئیجوره وه گشت چشتێگ ڕەنگینی تالیمێگ که له باوەت نجات دەر ئیمه خوداس، وه خاسێ نیشان بێەن.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

تیتوس 3:4

وەلێ وەختێ مێرەبانی و ئنساندوسی نجات دەر ئیمه، خودا ئاشکرا بی،

تیتوس 3:6

هەر ئەو روح‌القودوسه که خودا ئەیو له ڕێ نجات دەرمان عیسا مەسیح فره فره وه ملمانا ڕشان،

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

یەکم یوحەنا 4:14

ئیمەیش دیمنه و شاێەتی دەیم که باوگ ئاسمانی، کوڕەگەێ خوەێ کل کردێه تا بوده نجات دەر جهان.

یەهودا 1:25

وه ئەیو خوداێگ که یەکێگە و نجات دەر ئیمه، له ڕێ عیسا مەسیح، خوداوەند ئیمه، وه ئەیو که له ئەزەڵ بیه، ئێرنگه هەس و تا ئەبەد هەر هەسەێ، جەڵاڵ و گەورایی و حوکمرانی و دەسڵات بود! ئامین.