طِطُس 3:6 - کِتاب مُقدّس سرائیکی ترجمہ

⁶ خُدا رُوح القُدس کُوں ساڈے نجات ڈیوݨ آلے یسُوع مسیح دے وسیلے ساڈے اُتے بہُوں فیاضی نال نازل کیتا،

طِطُس 3:6 Iomraidhean Croise

یُوحنّا 1:16

او فضل کنُوں بھریا ہا تے اساں اُوندے فضل ءچوں فضل اُتے فضل پایا۔

یُوحنّا 16:7

پر مَیں تُہاکُوں سچ آدھا ہاں جو میڈا ونجنڑ تُہاڈے کیتے فائدہ مند ہے کیوں جو جے مَیں نہ وَنجاں تاں او مددگار تُہاڈے کولھ نہ آسی پر جے مَیں ویساں تاں اُونکُوں تُہاڈے کولھ بھیج ڈیساں۔

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

یُوحنّا 7:37

وَل عید دے آخری ڈینہہ جیہڑا سبھ تُوں خاص ڈینہہ ہے، یسُوع کھڑا تھیّا تے اُچی اواز ءچ آکھنڑ لگا، ”جے کوئی ترِسّا ہووے تاں میڈے کولھ آوے تے پِیوے۔

اعمال 10:45

پطرس دے نال آوݨ آلے یہُودی جیہڑے اِیماندار تھی گئے ہَن، او سارے حیران تھیوݨ لگے جو غیریہُودیاں کُوں وی رُوح القُدس دی نعمت بخشی گئی۔

اعمال 2:33

ہُنڑ اُونکُوں سرفراز کر تے خُدا دے سجے ہتھ بِلھایا گِیا ہے، تے اُوں باپ کنُوں وعدہ کیتا ہویا رُوح القُدس حاصل کر تے نازل کیتا جِیندا اثر تُساں ڈیدھے تے سُنڑدے ہیوے۔

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

رومیوں 5:5

ایجھی اُمید ساکُوں مایوس نئیں کریندی کیوں جو رُوح القُدس جیہڑا ساکُوں بخشیا گِیا ہے اُوں ساڈے دِلاں کُوں خُدا دی محبت نال بھر ڈِتے۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

اِفِسیوں 4:2

یعنی کمال فروتنی، نرم دِلی تے صبر نال، محبت ءچ ہِک ڈُوجھے دی برداشت کرو۔

1 تِیمُتھِیُس 6:17

اِیں موجودہ جہان دے دولت منداں کُوں حُکم ڈے جو او مغرُور نہ تھیوݨ تے دولت جیہی غیر یقینی چیز اُتے اُمید نہ رکھنڑ بلکہ خُدا اُتے، جیہڑا ساڈی خوشی کیتے ساریاں چیزاں ساکُوں کثرت نال ڈیندے۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔