طِطُس 3:5 - کِتاب مُقدّس سرائیکی ترجمہ

⁵ تاں خُدا ساکُوں نجات ڈِتی پر ساڈے نیک کماں دی وجہ کنُوں نئیں جیہڑے اساں کیتے بلکہ آپنڑے رحم دی وجہ کنُوں۔ ایہ نجات ساکُوں رُوح القُدس دے وسیلے مِلی جئیں ساکُوں دھو تے نویں سرے تُوں پیدا کیتا تے نوِیں زندگی ڈِتی۔

طِطُس 3:5 Iomraidhean Croise

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

لُوقا 1:50

اُوندا رحم اُنہاں اُتے نسل در نسل راہندے جیہڑے اُوں کنُوں ڈردے ہِن۔

لُوقا 1:54

اُوں آپنڑے خادم اِسرائیل دی مدد کیتی تے آپنڑی اُوں رحمت کُوں یاد فرمایا

لُوقا 1:72

تاں جو او ساڈے پِیُو ڈاڈے اُتے رحم کرے تے آپنڑے پاک عہد کُوں یاد فرماوے،

لُوقا 1:78

ایہ ساڈے خُدا دی عین رحمت نال تھیسی جیندے سببّوں ساڈے اُتے اسمان کنُوں نُور چمکسی

رومیوں 11:14

تاں جو کہیں طرحاں وی مَیں آپنڑی قوم آلیاں کُوں غیرت ڈیوا تے اُنہاں ءچوں بہُوں کُوں نجات ڈیوا سگاں۔

رومیوں 11:6

تے جے فضل کنُوں چُنڑے گئے ہِن تاں وَل اعمال کنُوں نئیں، نہ تاں فضل، فضل نہ راہندا۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

رومیوں 3:20

کیوں جو شریعت دے کم کر تے کوئی بندہ خُدا دی نِگاہ ءچ راستباز نئیں کھڑ سگدا بلکہ شریعت دے وسیلے گُناہ دی پچھاݨ تھیندی ہے۔

رومیوں 3:28

اِیں واسطے اساں اِیں نتیجے اُتے پُجدے ہیں جو اِنسان شریعت اُتے عمل کرݨ نال نئیں بلکہ اِیمان گِھن آوݨ دے سببّوں راستباز کھڑایا ویندا ہے۔

رومیوں 4:5

پر جیہڑا بندہ کم نئیں کریندا بلکہ بدکاراں کُوں راستباز بنڑاوݨ آلے خُدا اُتے اِیمان رکھیندے، اُوندا اِیمان اُوندے کیتے راستبازی شمار کیتا ویندے۔

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

رومیوں 9:16

اِیں واسطے اِیندا تعلق نہ تاں اِنسان دی خواہش نال ہے تے نہ ای اُوندی بھج دھروک نال بلکہ خُدا دے رحم نال ہے۔

رومیوں 9:30

بس اساں کیا آکھوں؟ ایہ جو غیریہُودی جیہڑے راستبازی دے طالب نہ ہَن راستبازی حاصل کیتی یعنی او راستبازی جیہڑی اِیمان نال ہے۔

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

اِفِسیوں 2:4

پر خُدا جیہڑا بہُوں ای رحم کرݨ آلا ہے، اُوں ساڈے نال ایجھی محبت رکھی جو

اِفِسیوں 4:23

تے رُوح القُدس نال آپنڑے ذہن کُوں نواں بنڑا گِھنو۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

کلُسِّیوں 3:10

تے نوِیں فطرت کُوں کپڑے وانگُوں پا گِھدے، جیہڑی علم حاصل کریندے ہوئے آپنڑے خالق دی صورت اُتے نویں بنڑ دی ویندی ہے۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

طِطُس 3:4

پر جِیں ویلے ساڈے نجات ڈیوݨ آلے خُدا دی مہربانی تے محبت ظاہر تھئی

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

عبرانیوں 6:6

جے او آپنڑے اِیمان کنُوں پِھر ونجنڑ تاں اُنہاں کُوں ولا کنُوں توبہ دو رجُوع کراوݨ ممکن نئیں۔ کیوں جو آپنڑے اِیں کم نال او خُدا دے پوتر کُوں ڈُوجھی پھیری صلیب اُتے چڑھا تے اعلانیہ ذلیل کریندے ہِن۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔