طِطُس 3:3 - کِتاب مُقدّس سرائیکی ترجمہ

³ اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

طِطُس 3:3 Iomraidhean Croise

متّی 21:29

اُوں جواب ءچ آکھیا، ’مَیں نہ ویساں،‘ پر بعد ءچ پشیمان تھی تے چلیا گِیا۔

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

یُوحنّا 8:34

یسُوع اُنہاں کُوں جواب ڈِتا، ”مَیں تُہاکُوں سچ آدھا ہاں جو جیہڑا کوئی گُناہ کریندے او گُناہ دا غُلام ہے۔

رومیوں 11:30

جِینویں تُساں غیریہُودی پہلے نافرمان ہَوے پر ہُنڑ یہُودیاں دی نافرمانی دے سببّوں تُہاڈے اُتے خُدا دا رحم تھیّا ہے،

رومیوں 6:12

بس گُناہ کُوں آپنڑے فانی جِسم اُتے حکُومت نہ کرݨ ڈیؤ تاں جو او تُہاکُوں آپنڑی خواہشاں دے تابع نہ رکھ سگے۔

رومیوں 6:17

پر خُدا دا شُکر ہے جو بےشک پہلے تُساں گُناہ دے غُلام ہَوے پر ہُنڑ دل نال اُوں تعلیم دے تابع تھی گئے ہیوے جیہڑی تُہاڈے سپُرد کیتی گئی۔

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

گلتِیوں 6:3

جے کوئی آپنڑے آپ کُوں کُجھ سمجھے، پر او کُجھ وی نہ ہووے، تاں او آپنڑے آپ کُوں دوکھا ڈیندے۔

کلُسِّیوں 1:21

ہِک وقت ہا جِیں ویلے تُساں خُدا کنُوں بہُوں دُور ہَوے تے آپنڑی بُری سوچ تے کماں دے سببّوں اُوندے دُشمنڑ ہَوے۔

کلُسِّیوں 3:7

ہِک وقت ہا جڈاں تُساں وی آپنڑی پُرانڑی زندگی ءچ اِنہاں دے مطابق چلدے ہَوے۔

2 تِیمُتھِیُس 3:13

تے بدکار تے دوکھے باز لوک فریب ڈیندے ڈیندے تے فریب کھاندے کھاندے وِگڑدے ویسن۔

2 تِیمُتھِیُس 3:6

اِنہاں ءچ کُجھ ایجھے وی ہِن جیہڑے چُپ چپیتے گھراں ءچ وڑ آندے ہِن تے چھچھوری عورتاں کُوں آپنڑے قابو ءچ کر گِھندے ہِن جیہڑیاں گُناہاں ءچ دبیاں ہوندیاں ہِن تے طرحاں طرحاں دیاں بُریاں خواہشاں دے تابع راہندیاں ہِن۔

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

یعقُوب 1:26

جے کوئی بندہ آپنڑے آپ کُوں دیندار سمجھدا ہووے تے وَل وی آپنڑی زبان کُوں قابو ءچ نہ رکھیندا ہووے تاں او آپنڑے آپ کُوں دوکھا ڈیندے۔ اُوندی دینداری فضول ہے۔

1 پطرس 1:14

خُدا دے فرمانبردار فرزند ہوندے ہوئے آپنڑی جہالت دے زمانہ دیاں بُریاں خواہشاں دے تابع نہ تھیؤ،

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

مُکاشفہ 13:14

اُنہاں کرِشمیاں دے ذریعے جیہڑے اُونکُوں اُوں پہلے حیوان دی خاطر ڈِکھاوݨ دا اِختیار ڈِتا گِیا ہا، او زمین آلیاں کُوں گُمراہ کریندا ہا۔ تے اُنہاں کُوں حُکم ڈیندا ہا جو اُوں حیوان دا بُت بنڑاؤ جِینکُوں تلوار نال ہلاک کرݨ آلا زخم لگیا ہا پر وَل وی او زندہ ہے۔

مُکاشفہ 18:2

اُوں اُچی اواز ءچ ہکل ڈے تے آکھیا، ”ڈھے پِیا! عظیم شہر بابل ڈھے پِیا! او بدرُوحاں دا گھر بنڑ گِیا تے ہر بدرُوح دے راہنڑ دی جاہ تے ہر ناپاک تے مکرُوہ پکھیاں دے ٹِکنڑ دی جاہ تھی گِیا۔