طِطُس 3:13 - کِتاب مُقدّس سرائیکی ترجمہ

¹³ زیناس وکیل تے اپُلّوس دے اگُوں دے سفر ءچ اُنہاں دی مدد کریں تے ایہ وی ڈیکھیں جو اُنہاں کُوں کہیں چیز دی کمی نہ راہوے۔

طِطُس 3:13 Iomraidhean Croise

متّی 22:35

تے اُنہاں ءچوں شریعت دے ہِک عالم اُونکُوں ازماوݨ کیتے پُچھیا،

لُوقا 10:25

تے ڈیکھو شریعت دا ہِک عالم اُٹھیا تے ایہ آکھ تے یسُوع دی ازمائش کرݨ لگا جو ”اُستاد! مَیں کیا کراں جو ہمیشاں دی زندگی دا وارث بنڑاں؟“

لُوقا 11:45

وَل شریعت دے عالماں ءچوں ہِک اُونکُوں جواب ءچ آکھیا، ”اُستاد! ایہ گالھیں آکھ تے تُساں ساکُوں وی بے عزت کریندے ہیوے۔“

لُوقا 11:52

شریعت دے عالمو! تُہاڈے اُتے افسوس، تُساں علم دی کُنجی آپنڑے قبضہ ءچ گِھن گِھدی۔ تُساں خود وی داخل نہ تھئے تے داخل تھیوݨ آلیاں کُوں وی روکیا۔“

لُوقا 14:3

یسُوع فریسیاں تے شریعت دے عالماں کنُوں پُچھیا، ”سبت دے ڈینہہ شِفا ڈیوݨ جائز ہے یا نئیں؟“

لُوقا 7:30

پر فریسیاں تے شریعت دے عالماں اُوں کنُوں بپتسمہ نہ گِھن تے آپنڑے کیتے خُدا دی مرضی کُوں رَد کر ڈِتا۔

اعمال 15:3

بس کلیسیا اُنہاں کُوں روانہ کیتا تے او فینیکے تے سامریہ ءچوں تھیندے ہوئے، غیر قوماں دا مسیح اُتے اِیمان گِھن آوݨ دا بیان کریندے گئے تے اِیں خبر نال سبھ بِھرانواں کُوں خوش کریندے گئے۔

اعمال 18:24

اِیں دوران اپُلّوس ناں دا ہِک یہُودی جیہڑا اِسکندرِیہ دا راہنڑ آلا ہا، اِفِسُس آ پُجیا۔ او تقریر کرݨ ءچ ماہر تے خُدا دے کلام دا ڈاڈھا علم رکھیندا ہا۔

اعمال 19:1

جِیں ویلے اپُلّوس کُرِنتُھس ءچ ہا تاں پولُس پہاڑی علاقہ ءچوں لنگھدے ہوئے اِفِسُس پُجیا۔ اُتھاں اُونکُوں کُجھ شاگرد مِلے۔

اعمال 21:5

جِیں ویلے او ڈینہہ لنگھ گئے تاں اساں اُتھوں کنُوں اگُوں ونجنڑ کیتے روانہ تھئے تے ساریاں ذالاں تے بالاں سمیت ساکُوں شہر کنُوں باہر تئیں پُچایا۔ وَل سمندر دے کنارے اساں گوڈے ٹیک تے دُعا منگی۔

اعمال 28:10

اُنہاں ساکُوں بہُوں عزت ڈِتی تے اگُوں ونجنڑ دے وقت سفر کیتے ساڈی ضرورت دیاں ساریاں چیزاں جہاز اُتے رکھوا ڈِتیاں۔

رومیوں 15:24

اِیں واسطے میکُوں اُمید ہے جو اسپین ویندے ویلے تُہاڈے کنُوں تھیندا ویساں، تے تُہاڈے نال چنگی طرحاں مُلاقات کرݨ تُوں بعد میکُوں اُمید ہے جو تُساں اگُوں دے سفر کیتے میڈی مدد کریسو۔

1کُرِنتھِیوں 16:11

بس کوئی اُونکُوں حقیر نہ سمجھے بلکہ اُونکُوں صحیح سلامت بھیج ڈیوائے جو میڈے کولھ آ ونجے کیوں جو مَیں اُوندا تے بئے بِھرانواں دا اِنتظار کرینداں پِیا ہاں۔

1کُرِنتھِیوں 16:12

اپُلّوس بِھرا کُوں مَیں بہُوں زور ڈے تے آکھے جو او وی مسیحی بِھرانواں دے نال تُہاڈے کولھ آوے پر اِیں ویلے او راضی نہ تھیّا۔ جے بعد ءچ مناسب موقع مِلیا تاں او ضرور آسی۔