طِطُس 2:11 - کِتاب مُقدّس سرائیکی ترجمہ

¹¹ کیوں جو خُدا دا او فضل ظاہر تھی گِیا ہے جیہڑا یکے اِنساناں دی نجات دا سبب ہے۔

طِطُس 2:11 Iomraidhean Croise

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

مرقس 16:15

اُوں اُنہاں کُوں آکھیا جو ”تُساں ساری دُنیا ءچ وَنج تے سارے لوکاں دے سامنڑے خوشخبری دی تبلیغ کرو۔

لُوقا 24:47

تے اُوندے ناں ءچ یروشلیم کنُوں شروع کر تے ساریاں قوماں ءچ توبہ تے گُناہاں دی معافی دی تبلیغ کیتی ویسی۔

لُوقا 3:6

تے سارے لوک خُدا دی نجات ڈیکھسن۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 1:9

سچا نُور جیہڑا ہر ہِک اِنسان کُوں روشن کریندے، دُنیا ءچ آوݨ آلا ہا۔

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

اعمال 13:43

جِیں ویلے عبادت ختم تھی گئی تاں بہُوں سارے یہُودی تے خُدا پرست نومُرید یہُودی پولُس تے برنباس دے پِچُھوں تھی پئے۔ اُنہاں ڈوہائیں، اُنہاں نال مزید گالھیں کیتیاں تے زور ڈے تے آکھیا جو خُدا دے فضل اُتے قائم راہو۔

اعمال 13:47

کیوں جو خُداوند ساکُوں ایہ حُکم ڈِتے جو ’مَیں تیکُوں غیر قوماں کیتے نُور مقرر کیتے تاں جو تُوں زمین دی اِنتہا تئیں نجات دا باعث ہوویں‘۔“

اعمال 17:30

خُدا ماضی دی ایجھی جہالت کُوں نظرانداز کر ڈِتا پر ہُنڑ او سارے اِنساناں کُوں ہر جاہ حُکم ڈیندے جو توبہ کرݨ۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

رومیوں 10:18

پر مَیں پُچھدا ہاں، کیا اُنہاں نئیں سُنڑیا؟ بے شک سُنڑیا، جِینویں لِکھیا ہے جو ”اُنہاں دی اواز پُوری زمین تئیں تے اُنہاں دا پیغام دُنیا دی اِنتہا تئیں پُج گِیا۔“

رومیوں 5:15

پر گُناہ دے اثر تے فضل دی نعمت دے اثر ءچ بہُوں فرق ہے۔ کیوں جو ہِک بندے دے گُناہ دے سببّوں بہُوں سارے اِنسان مر گئے پر ہِک بندے یعنی یسُوع مسیح دے فضل دے سببّوں بہُوں سارے اِنساناں کُوں خُدا دا فضل تے اُوندی نعمت مِلی ہے۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

اِفِسیوں 2:8

کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

کلُسِّیوں 1:6

جیہڑی تُہاڈے کولھ پُجی ہے۔ او ساری دُنیا ءچ اِینویں پھل ڈیندی تے ودھدی ویندی ہے، جِینویں تُہاڈے ءچ وی کریندی پئی ہے، اُوں ڈینہہ کنُوں جڈاں تُساں خُدا دے فضل دے بارے ءچ سُنڑیا تے اُونکُوں سچ جانڑیا۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

1 تِیمُتھِیُس 1:14

تے ساڈے خُداوند دا فضل میڈے اُتے بہُوں زیادہ تھیّا، اُوں اِیمان تے محبت نال جیہڑا مسیح یسُوع ءچ ہے۔

1 تِیمُتھِیُس 2:4

او چاہندے جو سبھ لوک نجات پاوݨ تے سچائی کُوں پچھاݨ گِھننڑ۔

2 تِیمُتھِیُس 1:10

پر ہُنڑ او ساڈے نجات ڈیوݨ آلے یسُوع مسیح دے آوݨ نال ظاہر تھئے۔ اُوں موت دی طاقت کُوں ختم کر ڈِتا تے غیر فانی زندگی کُوں آپنڑی خوشخبری دے وسیلے نال روشن کر ڈِتا۔

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

عبرانیوں 2:9

پر اساں یسُوع کُوں، جِینکُوں کُجھ دیر کیتے فرشتیاں کنُوں گھٹ کیتا گِیا، موت دا ڈُکھ سہنڑ دے سببّوں شان تے عزت دا تاج پاتے ہوئے ڈیدھے ہیں۔ ہا خُدا دے فضل نال اُوں ہر اِنسان کیتے موت دا مزہ چکھیا۔