طِطُس 1:4 - کِتاب مُقدّس سرائیکی ترجمہ

⁴ ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

طِطُس 1:4 Iomraidhean Croise

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

رومیوں 1:12

یعنی ایہ جو تُہاڈے نال میکُوں وی اُوں اِیمان دے سببّوں تسلی مِلے جیہڑا تُہاڈے تے میڈے ڈوہائیں ءچ ہے۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

2کُرِنتھِیوں 12:18

مَیں طِطُس دی مِنت کیتی جو تُہاڈے کولھ ونجے تے اُوندے نال ہِک بئے بِھرا کُوں وی بھیجیا۔ کیا طِطُس تُہاڈے کنُوں کوئی ناجائز فائدہ چاتے؟ کیا اساں ہِکو رُوح کنُوں ہدایت گِھن تے نہ ٹُرے؟ کیا اساں ہِکو راہ اُتے نہ ٹُرے؟

2کُرِنتھِیوں 2:13

وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

2کُرِنتھِیوں 4:13

کلام ءچ لِکھیا ہے جو ”مَیں اِیمان گِھن آیا تے اِیں واسطے آکھیا۔“ ساڈے ءچ ایجھا ای اِیمان ہے، اِیں واسطے اساں وی اِیمان گِھن آوݨ دے سببّوں اکھیندے ہیں۔

2کُرِنتھِیوں 7:6

وَل وی خُدا جیہڑا مایُوس لوکاں کُوں حوصلہ ڈیندے، طِطُس کُوں اُتھاں بھیج تے ساکُوں تسلی ڈِتی۔

2کُرِنتھِیوں 8:16

خُدا دا شُکر ہے جئیں تُہاڈے کیتے طِطُس دے دل ءچ ایجھا جوش پیدا کیتے جِینویں میڈا تُہاڈے کیتے ہے۔

2کُرِنتھِیوں 8:23

جے کوئی طِطُس دے بارے ءچ پُچھے تاں او میڈا ساتھی تے تُہاڈی مدد کرݨ کیتے میڈا نال خدمت کریندے۔ جے بئے بِھرانواں دے بارے ءچ سوال ہووے تاں او کلیسیاواں دے نمائندے تے مسیح دے جلال دا سبب ہِن۔

2کُرِنتھِیوں 8:6

اِیں واسطے اساں طِطُس کُوں نصیحت کیتی جو جِینویں اُوں اِیں خیرات دے کم کُوں پہلے شروع کیتا ہا، اُونویں ای تُہاڈے ءچ اِیں کم کُوں پُورا کرے۔

گلتِیوں 2:3

پر میڈے ساتھی طِطُس کُوں وی بھانویں او یُونانی ہا ختنہ کراوݨ اُتے مجبور نہ کیتا گِیا۔

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

اِفِسیوں 1:2

تُہاکُوں ساڈے باپ خُدا تے خُداوند یسُوع مسیح دی طرفوں فضل تے اِطمینان حاصل تھیندا راہوے۔

کلُسِّیوں 1:2

ایہ اُنہاں مُقدّساں یعنی مسیح ءچ وفادار بِھرانواں دے ناں ہے جیہڑے کلُسے شہر ءچ ہِن۔ ساڈے خُدا باپ دی طرفوں تُہاکُوں فضل تے اِطمینان حاصل تھیندا راہوے۔

1 تِیمُتھِیُس 1:12

مَیں آپنڑے خُداوند یسُوع مسیح دا شُکر کریندا ہاں جئیں میکُوں طاقت ڈِتی تے دیانتدار جاݨ تے آپنڑی خدمت کیتے مقرر کیتا۔

2 تِیمُتھِیُس 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں تاں جو اُوں وعدہ کیتی ہوئی زندگی دی تبلیغ کراں جیہڑی مسیح یسُوع ءچ مِلدی ہے۔

2 تِیمُتھِیُس 1:2

ایہ خط پیارے پوتر تِیمُتِھیُس دے ناں ہے۔ ساڈے خُدا باپ تے خُداوند یسُوع مسیح دی طرفوں تیکُوں فضل، رحم تے اِطمینان حاصل تھیندا راہوے۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

طِطُس 1:3

پر ہُنڑ اُوں آپنڑے مقرر کیتے وقت اُتے آپنڑے کلام دی تبلیغ دے ذریعے اُونکُوں ظاہر کیتا۔ اِیں تبلیغ دا کم ساڈے نجات ڈیوݨ آلے خُدا دے حُکم نال میڈے سپُرد کیتا گئے۔

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

2 پطرس 1:11

بلکہ اِیندے نال تُساں ساڈے خُداوند تے نجات ڈیوݨ آلے یسُوع مسیح دی ابدی بادشاہی ءچ وڈی عزت نال داخل کیتے ویسو۔

2 پطرس 2:20

تے جے او لوک خُداوند تے نجات ڈیوݨ آلے یسُوع مسیح دی پچھاݨ دے وسیلہ نال دُنیا دی گندگی کنُوں چُھٹ تے ولا کنُوں اُوندے ءچ پَھس ونجنڑ تے اُوندے قبضے ءچ آ ونجنڑ، تاں اُنہاں دی حالت پہلی حالت کنُوں وی بدتر تھی ویندی ہے۔

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔

1 یُوحنّا 5:14

ساکُوں خُدا اُتے ایہ اعتماد ہے جو اساں جیہڑا کُجھ اُوندی مرضی دے مطابق منگدے ہیں، او ساڈی سُنڑدے۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔