طِطُس 1:11 - کِتاب مُقدّس سرائیکی ترجمہ

¹¹ ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

طِطُس 1:11 Iomraidhean Croise

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

لُوقا 20:40

تے اُنہاں کُوں اُوں کنُوں وَل سوال کرݨ دی جُرأت نہ تھئی۔

یُوحنّا 10:12

پر مزدُور جیہڑا نہ تاں بھیڈاں دا آجڑی ہوندے تے نہ ای مالک، او نہر کُوں آندا ڈیکھ تے بھیڈاں کُوں چھوڑ تے بھج ویندے تے نہر بھیڈاں کُوں پکڑ تے تِتربِتر کر ڈیندے۔

رومیوں 3:19

بس اساں جانڑدے ہیں جو شریعت جیہڑا کُجھ آدھی ہے، اُنہاں کُوں آدھی ہے جیہڑے شریعت دے پابند ہِن، تاں جو ہر مُنہ بند تھی ونجے تے ساری دُنیا خُدا دے سامنڑے سزا دی حقدار ہووے۔

2کُرِنتھِیوں 11:10

مسیح دی سچائی دی قَسم جیہڑی میڈے اندر ہے، اَخیہ دے سبھ علاقیاں ءچ کوئی بندہ میکُوں اِیں فخر کرݨ کنُوں روک نہ سگسی۔

1 تِیمُتھِیُس 5:13

اِیندے علاوہ او گھر گھر بیکار پِھردیاں ہِن تے نہ صرف بیکار راہندیاں ہِن بلکہ فضول گالھیں کر تے ڈُوجھیاں دے معاملیاں ءچ دخل اندازی وی کریندیاں ہِن تے غیرمناسب گالھیں آدھیاں ہِن۔

1 تِیمُتھِیُس 5:4

جے کہیں بیوہ دے پوتر یا پوترے ہووݨ تاں او پہلے آپنڑے خاندان کُوں سنبھال تے ماء پِیُو دا حق ادا کرݨ سِکھنڑ، کیوں جو ایہ خُدا کُوں پسند ہے۔

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

2 تِیمُتھِیُس 2:18

او سچائی کنُوں گُمراہ تھی تے ایہ آدھے ہِن جو قیامت تھی گئی ہے، تے اِینویں او کُجھ لوکاں دا اِیمان خراب کریندے پئے ہِن۔

2 تِیمُتھِیُس 3:6

اِنہاں ءچ کُجھ ایجھے وی ہِن جیہڑے چُپ چپیتے گھراں ءچ وڑ آندے ہِن تے چھچھوری عورتاں کُوں آپنڑے قابو ءچ کر گِھندے ہِن جیہڑیاں گُناہاں ءچ دبیاں ہوندیاں ہِن تے طرحاں طرحاں دیاں بُریاں خواہشاں دے تابع راہندیاں ہِن۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

طِطُس 1:9

جیہڑا سچا کلام اُونکُوں سِکھایا گئے، او اُوندے اُتے قائم راہوے تاں جو او صحیح تعلیم نال ڈُوجھیاں کُوں نصیحت ڈے سگے تے مخالفاں کُوں وی سمجھا سگے۔

طِطُس 3:10

تفرقے باز کُوں ہِک ڈُو پھیری نصیحت کر، تے بعد ءچ اُوں کنُوں کنارہ کر۔