رومیوں 9:22 - کِتاب مُقدّس سرائیکی ترجمہ

²² بس حیرانگی دی کیا گالھ ہے، جے خُدا آپنڑے غضب تے آپنڑی قُدرت کُوں ظاہر کرݨ دے اِرادے نال اُنہاں کُوں جِنہاں اُتے غضب تھیسی، جیہڑے ہلاکت کیتے تیار کیتے گئے ہَن، بہُوں صبر نال برداشت کریندا ریہا،

رومیوں 9:22 Iomraidhean Croise

رومیوں 1:18

پر خُدا دا قہر اُنہاں لوکاں دی ساری بے دینی تے بدکاری اُتے اسمان کنُوں ظاہر تھیندے جیہڑے سچائی کُوں آپنڑی بدکاری نال دبا ڈیندے ہِن۔

رومیوں 9:17

کیوں جو کلام ءچ خُدا فرعون کُوں آکھیا، ”مَیں تیکُوں اِیں واسطے کھڑا کیتے جو تیڈے سببّوں آپنڑی قُدرت ظاہر کراں تے اِینویں ساری دُنیا ءچ میڈا ناں مشہور تھی ونجے۔“

رومیوں 9:20

اِنسان! تُوں کوݨ ہیں جیہڑا خُدا کُوں جواب ڈیندیں؟ کیا کوئی بنڑی ہوئی چیز آپنڑے بنڑاوݨ آلے کُوں آکھ سگدی ہے جو ”تَیں میکُوں اِینویں کیوں بنڑائے؟“

رومیوں 9:21

کیا کُمہار کُوں اِختیار نئیں جو لوئی ہوئی مِٹی کنُوں ہِک تھاں عزت آلے کماں کیتے بنڑاوے تے ڈُوجھا ذِلت آلے کماں کیتے۔

1تھِسّلُنیکیوں 2:16

کیوں جو او ساکُوں غیر قوماں کُوں خُدا دا کلام سُنڑاوݨ کنُوں روکیندے ہِن تاں جو او نجات نہ پاوݨ۔ اِینویں اُنہاں دے گُناہاں دا پیالہ بھریندا راہندے۔ پر آخر خُدا دا غضب اُنہاں اُتے نازل تھی گِیا۔

1تھِسّلُنیکیوں 5:9

کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

2 تِیمُتھِیُس 2:20

ہِک وڈے گھر ءچ نہ صرف سونے چاندی دے تھاں ہوندن بلکہ لکڑ تے مِٹی دے وی ہوندن۔ کُجھ عزت آلے کماں کیتے تے کُجھ عام کماں کیتے۔

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔

1 پطرس 3:20

جیہڑیاں پِچھلے زمانہ ءچ نافرمان ہَن، جِیں ویلے خُدا نُوح دی کشتی بنڑݨ تئیں صبر نال اِنتظار کیتا۔ اُوں کشتی ءچ بہُوں تھوڑے یعنی اَٹھ بندے پانڑی ءچوں لنگھ تے بچ نِکلے۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

2 پطرس 2:9

تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔