رومیوں 9:16 - کِتاب مُقدّس سرائیکی ترجمہ

¹⁶ اِیں واسطے اِیندا تعلق نہ تاں اِنسان دی خواہش نال ہے تے نہ ای اُوندی بھج دھروک نال بلکہ خُدا دے رحم نال ہے۔

رومیوں 9:16 Iomraidhean Croise

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

متّی 4:8

وَل ابلیس اُونکُوں ہِک بہُوں اُچے پہاڑ اُتے گِھن گِیا تے دُنیا دیاں ساریاں بادشاہیاں تے اُنہاں دی شان و شوکت اُونکُوں ڈِکھائی۔

لُوقا 10:21

اُونہی ویلے یسُوع رُوح القُدس کنُوں خوشی نال بھریج گِیا تے آکھنڑ لگا، ”باپ، اسمان تے زمین دے مالک! مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں، تے بالاں اُتے ظاہر کیتیاں۔ ہاں، باپ، کیوں جو تیڈی نظر ءچ اِیہو چنگا ہا۔

یُوحنّا 3:8

ہوا جیہڑے پاسُوں چاہندی ہے گُھل ویندی ہے۔ تُوں اُوندی اواز سُنڑدا ہیں پر ایہ نئیں جانڑدا جو او کِتھوں آندی ہے تے کِتھاں ویندی ہے۔ رُوح کنُوں پیدا تھیوݨ آلے بندے دا حال اِیہو ہے۔“

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

گلتِیوں 2:2

میڈا اُتھاں ونجنڑ ہِک مُکاشفہ دی وجہ تُوں ہا۔ مَیں اُنہاں لوکاں نال جیہڑے کلیسیا ءچ وڈے راہنما سمجھے ویندے ہَن، کلھیپے ءچ مُلاقات کیتی تے اُنہاں کُوں او خوشخبری پیش کیتی جیہڑی مَیں غیر قوماں کُوں سُنڑیندا ہم۔ میں نئیں چاہندا جو میڈی او بھج دھروک جیہڑی مَیں پہلے کیتی ہئی تے ہُنڑ تئیں کریندا ہاں، بے فائدہ تھیوے۔

اِفِسیوں 2:8

کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

فِلِپّیوں 2:13

کیوں جو او خُدا ای ہے جیہڑا تُہاڈے ءچ آپنڑا نیک اِرادہ پُورا کرݨ دی نیّت تے طاقت پیدا کریندے۔

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔