رومیوں 8:3 - کِتاب مُقدّس سرائیکی ترجمہ

³ ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

رومیوں 8:3 Iomraidhean Croise

مرقس 15:27

اُنہاں ڈُو ڈاکواں کُوں وی اُوندے نال مصلُوب کیتا، ہِک کُوں اُوندے سجے پاسُوں تے ڈُوجھے کُوں کھبے پاسُوں۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 9:24

بس اُنہاں اُوں بندے کُوں جیہڑا پہلے اندھا ہا ولا سڈوا تے آکھیا، ”سچ آکھ تے خُدا کُوں جلال ڈے۔ اساں تاں جانڑدے ہیں جو ایہ بندہ گُنہگار ہے۔“

اعمال 13:39

تے جیہڑے گالھیں کنُوں تُساں مُوسیٰ دی شریعت دے ذریعے نجات نہ پا سگدے ہَوے، ہُنڑ مسیح اُتے اِیمان گِھن آوݨ دے ذریعے ہر کہیں کُوں نجات مِل سگدی ہے۔

رومیوں 3:20

کیوں جو شریعت دے کم کر تے کوئی بندہ خُدا دی نِگاہ ءچ راستباز نئیں کھڑ سگدا بلکہ شریعت دے وسیلے گُناہ دی پچھاݨ تھیندی ہے۔

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

رومیوں 7:18

مَیں جانڑدا ہاں جو میڈے ءچ یعنی میڈے جِسم ءچ تاں کوئی نیکی نئیں وسدی۔ بھانویں نیکی کرݨ دا اِرادہ میڈے ءچ موجود ہے، پر مَیں اِیں اِرادے اُتے عمل نئیں کر سگدا۔

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

رومیوں 9:3

کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

گلتِیوں 3:21

تاں کیا شریعت خُدا دے وعدے دے خلاف ہے؟ ہرگز نئیں! کیوں جو جے کوئی ایجھی شریعت ڈِتی ویندی جیہڑی زندگی بخش سگدی تاں راستبازی شریعت دے ذریعے حاصل تھیندی۔

فِلِپّیوں 2:7

بلکہ آپنڑے آپ کُوں خالی کر ڈِتا، تے غُلام دی صورت اِختیار کر تے اِنساناں جِیہا بنڑ گِیا۔

عبرانیوں 10:12

پر مسیح گُناہاں کُوں مِٹاوݨ کیتے ہِکو قُربانی پیش کیتی جیہڑی ہمیشاں کیتے ہے تے وَل خُدا دے سجے پاسُوں وَنج بیٹھا۔

عبرانیوں 10:14

کیوں جو اُوں پاک تھیوݨ آلیاں کُوں ہِکے قُربانی نال ہمیشاں تئیں کامِل کر ڈِتے۔

عبرانیوں 2:14

بس کیوں جو خُدا دے فرزند خون تے گوشت نال بنڑے ہوئے اِنسان ہِن، اِیں واسطے یسُوع خود وی اُنہاں آلی کار اِنسان بنڑیا تاں جو آپنڑی موت دے وسیلے نال موت دی قُدرت رکھنڑ آلے یعنی ابلیس کُوں تباہ کرے،

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“