رومیوں 8:25 - کِتاب مُقدّس سرائیکی ترجمہ

²⁵ پر جے اساں اُوں چیز دی اُمید رکھیندے ہیں جیہڑی ہُنڑ ساڈے کولھ موجود نئیں، تاں اساں صبر نال اُوندا اِنتظار کریندے ہیں۔

رومیوں 8:25 Iomraidhean Croise

لُوقا 21:19

آپنڑے صبر نال تُساں آپنڑیاں جاناں کُوں محفوظ رکھیسو۔

لُوقا 8:15

پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 8:23

تے صرف اُوہو نئیں بلکہ اساں وی جِنہاں کُوں رُوح القُدس دے پہلے پھل مِلے ہِن، آپنڑے دل ءچ کراہندے ہوئے اُوں ویلے دا اِنتظار کریندے پئے ہیں جِیں ویلے خُدا ساکُوں لےپالک بنڑا تے ساڈے بدن کُوں رہائی ڈیسی۔

کلُسِّیوں 1:11

تے تُساں اُوندے جلال آلی قُدرت دے مطابق ہر طرحاں دی طاقت ءچ مضبوط تھیندے ونجو تاں جو تُہاڈے ءچ خوشی نال بے حد برداشت تے صبر پیدا تھیوے،

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

2تھِسّلُنیکیوں 3:5

خُداوند تُہاڈے دِلاں کُوں خُدا دی محبت تے آپنڑے صبر کُوں جانڑن دی ہدایت ڈیوے۔

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

عبرانیوں 6:12

تُساں آلسی نہ بنڑو بلکہ اُنہاں دے نمونے اُتے ٹُرو جیہڑے آپنڑے اِیمان تے صبر دے سببّوں وعدیاں دے وارث تھیندے ہِن۔

عبرانیوں 6:15

اِینویں ابرہام صبر نال اِنتظار کر تے وعدہ کیتی ہوئی برکت گِھدی۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

مُکاشفہ 13:10

”جِنہاں کُوں قیدی بنڑنڑیں او قیدی بنڑسن۔ جِنہاں کُوں تلوار نال قتل تھیونڑے او تلوار نال قتل تھیسن۔“ اِیں واسطے مُقدّساں کُوں صبر کرݨ تے اِیمان ءچ مضبوط راہنڑ دی خاص ضرورت ہے۔

مُکاشفہ 14:12

اِیں واسطے مُقدّساں یعنی خُدا دے حُکماں اُتے عمل کرݨ آلیاں تے یسُوع اُتے اِیمان رکھنڑ آلیاں کُوں صبر کرݨ دی ضرورت ہے۔