رومیوں 8:2 - کِتاب مُقدّس سرائیکی ترجمہ

² کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

رومیوں 8:2 Iomraidhean Croise

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

یُوحنّا 8:32

تے سچائی کُوں جاݨ گِھنسو تے سچائی تُہاکُوں آزاد کریسی۔“

یُوحنّا 8:36

اِیں واسطے جے پوتر تُہاکُوں آزاد کریسی تاں تُساں واقعی آزاد تھیسو۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔

رومیوں 3:27

بس فخر کِتھاں ریہا؟ اِیندی گُنجائش ای نہ ریہی۔ کیہڑی شریعت دی وجہ تُوں؟ کیا اعمال دے وسیلے نال؟ نئیں، بلکہ اِیمان دی شریعت دے وسیلے نال۔

رومیوں 5:21

تاں جو جِینویں گُناہ موت دے ذریعے حکُومت کیتی، اُونویں ای خُدا دا فضل وی راستبازی دے ذریعے حکُومت کریسی تے ساڈے خُداوند یسُوع مسیح دے وسیلے نال ہمیشاں دی زندگی ڈیسی۔

رومیوں 6:14

کیوں جو تُساں شریعت دے ماتحت نئیں بلکہ فضل دے ماتحت ہیوے، اِیں واسطے گُناہ دا تُہاڈے اُتے اِختیار نہ ہوسی۔

رومیوں 6:18

تُساں گُناہ دی غُلامی کنُوں آزاد تھی تے راستبازی دے غُلام تھی گئے۔

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

رومیوں 7:21

بس مَیں ایجھا قانُون پَیندا ہاں جو جِیں ویلے مَیں نیکی کرݨ دا اِرادہ کریندا ہاں تاں بُرائی میڈے کولھ آ موجود تھیندی ہے۔

رومیوں 7:23

پر میکُوں آپنڑے انگاں ءچ ہِک بئی شریعت نظر آندی ہے جیہڑی میڈی عقل دی شریعت نال لڑ تے میکُوں گُناہ دی اُوں شریعت دا قیدی بنڑا ڈیندی ہے جیہڑی میڈے انگاں ءچ کم کریندی ہے۔

رومیوں 7:4

بِھراؤ! تُساں وی مسیح دے بدن دے وسیلے نال شریعت دے اعتبار نال مر گئے ہیوے تاں جو کہیں بئے دے تھی ونجو یعنی مسیح دے جیہڑا مُردیاں ءچوں زندہ کیتا گِیا تاں جو تُساں خُدا کیتے پھل گِھن آؤ۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

1کُرِنتھِیوں 15:45

اِیں واسطے کلام ءچ لِکھیا وی ہے جو ”پہلا بندہ یعنی آدم زندہ اِنسان بنڑیا۔“ آخری آدم یعنی مسیح زندگی بخشنڑ آلی رُوح بنڑیا۔

2کُرِنتھِیوں 3:17

کیوں جو خُداوند رُوح ہے تے جِتھاں خُداوند دا رُوح القُدس ہے اُتھاں ازادی ہے۔

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

گلتِیوں 2:19

کیوں جو شریعت دے وسیلے ای مَیں شریعت دے لحاظ نال مر گِیا، تاں جو خُدا کیتے زندہ راہواں۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

گلتِیوں 6:2

ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

یعقُوب 1:25

پر جیہڑا ازادی ڈیوݨ آلی کامِل شریعت اُتے غور نال نظر کریندا راہندے، تے جیہڑا کُجھ سُنڑدے اُونکُوں بُھلدا نئیں بلکہ اُوندے اُتے عمل کریندے، او آپنڑے ہر کم ءچ برکت پیسی۔

مُکاشفہ 11:11

پر ساڈھے ترے ڈینہہ بعد خُدا دی طرفوں اُنہاں ءچ زندگی دا دم پُھونکیا گِیا تے او آپنڑے پیراں اُتے کھڑے تھی گئے۔ اُنہاں دے ڈیکھنڑ آلیاں اُتے بہُوں خوف چھا گِیا۔

مُکاشفہ 22:1

وَل اُوں فرشتے میکُوں زندگی دے پانڑی دا دریا ڈِکھایا جیہڑا بَلّور آلی کار بالکل صاف ہا۔ او خُدا تے لیلے دے تخت کنُوں نِکل تے