Biblia Todo Logo
Bìoball air-loidhne

- Sanasan -




رومیوں 8:15 - کِتاب مُقدّس سرائیکی ترجمہ

15 کیوں جو تُہاکُوں ایجھی رُوح نئیں مِلی جیہڑی تُہاکُوں ڈرݨ آلے غُلام بنڑیندی ہے بلکہ خُدا دی رُوح مِلی ہے جیہڑی تُہاکُوں لےپالک بنڑیندی ہے جیندے وسیلے نال اساں ”ابّا“ یعنی ”باپ“ آکھ تے سڈیندے ہیں۔

Faic an caibideil Dèan lethbhreac




رومیوں 8:15
30 Iomraidhean Croise  

اِیں واسطے مَیں ڈر گِیا تے تُہاڈی رقم زمین ءچ دبا ڈِتی۔ ڈیکھو جیہڑا تُہاڈا ہے، او ایہ ہے۔‘


تے آکھیا، ”ابّا! باپ! تیڈے کیتے سبھ کُجھ ممکن ہے۔ ڈُکھ دے اِیں پیالے کُوں مَیں کنُوں ہٹا گِھن۔ وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں، اُوہو تھیوے۔“


اُوں اُنہاں کُوں آکھیا، ”جِیں ویلے دُعا کرو تاں آکھو ’اے باپ، تیڈا ناں پاک منیا ونجے، تیڈی بادشاہی آوے۔


”باپ! جے تُوں راضی ہوویں تاں ڈُکھ دا ایہ پیالہ مَیں کنُوں ہٹا گِھن وَل وی میڈی نئیں بلکہ تیڈی ای مرضی پُوری تھیوے۔“


او یسُوع کُوں ڈیکھ تے زور نال چیخیا تے اُوندے سامنڑے ڈھے تے اُچی اواز نال آکھنڑ لگا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیڈی مِنت کریندا ہاں جو میکُوں عذاب ءچ نہ سَٹ۔“


وَل گراسینیاں دے آسُوں پاسُوں دے سارے لوکاں اُونکُوں درخاست کیتی جو ”ساڈے کولُھوں چلے ونجو،“ کیوں جو اُنہاں اُتے وڈی دہشت چھا گئی ہئی۔ بس او کشتی ءچ سوار تھی تے واپس چلیا گِیا۔


او آ تے دُنیا کُوں گُناہ تے راستبازی تے عدالت دے بارے ءچ قصُوروار کھڑیسی۔


یسُوع اُونکُوں آکھیا، ”میکُوں پکڑی نہ رکھ کیوں جو مَیں حالی تئیں باپ دے کولھ اُتے نئیں گِیا، بلکہ وَنج تے میڈے بِھرانواں کُوں ڈسا جو مَیں آپنڑے باپ تے آپنڑے خُدا دے کولھ ویندا ہاں جیہڑا تُہاڈا وی باپ تے خُدا ہے۔“


داروغہ ڈیوا چوا تے اندر گِیا تے کمبدا ہویا پولُس تے سِیلاس دے پیراں ءچ ڈھے پِیا۔


جِیں ویلے اُنہاں ایہ سُنڑیا تاں اُنہاں دے دِلاں کُوں ڈُکھ لگیا تے پطرس تے باقی رسُولاں کُوں آکھیا جو ”بِھراؤ! اساں کیا کرُوں؟“


رُوح القُدس آپ ساڈی رُوح دے نال مِل تے گواہی ڈیندے جو اساں خُدا دے فرزند ہیں۔


تے صرف اُوہو نئیں بلکہ اساں وی جِنہاں کُوں رُوح القُدس دے پہلے پھل مِلے ہِن، آپنڑے دل ءچ کراہندے ہوئے اُوں ویلے دا اِنتظار کریندے پئے ہیں جِیں ویلے خُدا ساکُوں لےپالک بنڑا تے ساڈے بدن کُوں رہائی ڈیسی۔


اِینویں ای رُوح القُدس وی ساڈی کمزوری ءچ ساڈی مدد کریندے۔ اساں تے ایہ نئیں جانڑدے جو کیہڑی چیز کیتے دُعا کرݨ چاہیدی ہے۔ پر رُوح آپ ایجھے ہائیں بھر بھر تے ساڈی شفاعت کریندے، جِنہاں دا بیان نئیں تھی سگدا۔


او بنی اِسرائیل ءچوں ہِن تے لےپالک تھیوݨ دا حق تے جلال تے یکے عہد تے شریعت تے عبادت تے وعدے وی اُنہاں کیتے ای ہِن۔


ساکُوں اِیں دُنیا دا رُوح نئیں مِلیا بلکہ خُدا دا رُوح القُدس مِلیا ہے تاں جو اساں اُنہاں برکتاں کُوں جاݨ سگوں جیہڑیاں ساکُوں خُدا دی طرفوں بخشیاں گئیاں ہِن۔


کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔


ایہ مسئلہ اُنہاں کُوڑے مسیحی بِھرانواں دی طرفوں بنڑیا، جیہڑے چُپ چپیتے ساڈے وچال وڑ آئے ہَن تاں جو جاسُوسی کر تے اُوں ازادی کُوں جاݨ سگنڑ جیہڑی مسیح یسُوع ءچ ساکُوں حاصل تھئی ہئی تے ساکُوں ولا غُلامی ءچ گِھن آوݨ۔


مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔


خُدا آپنڑی مرضی تے نیک اِرادے دے مطابق پہلے کنُوں ای فیصلہ کیتا جو او ساکُوں یسُوع مسیح دے ذریعے آپنڑے لے پالک پوتر بنڑاوے،


کیوں جو جیہڑی رُوح خُدا ساکُوں ڈِتی ہے او ساکُوں بُزدل نئیں بنڑیندی بلکہ طاقت، محبت تے تربیت ڈیندی ہے۔


تے اُنہاں کُوں چُھڑا گِھنے جیہڑے ساری عُمر موت دے ڈر کنُوں غُلامی ءچ گرفتار ریہے۔


تُوں اِیمان رکھیندیں جو خُدا ہِک ای ہے۔ بہُوں چنگا کریندیں، ایہ تاں بدرُوحاں وی منیندیاں ہِن تے ڈر تے کمبدیاں ہِن۔


محبت ءچ خوف نئیں ہوندا بلکہ کامِل محبت خوف کُوں دور کر ڈیندی ہے، کیوں جو خوف دا تعلق سزا نال ہوندے تے جیہڑا ڈردے، اُوندے ءچ محبت کامِل نئیں تھئی۔


Lean sinn:

Sanasan


Sanasan