رومیوں 8:14 - کِتاب مُقدّس سرائیکی ترجمہ

¹⁴ کیوں جو جیہڑے وی خُدا دے رُوح القُدس دی ہدایت نال چلدے ہِن اُوہو خُدا دے پوتر ہِن۔

رومیوں 8:14 Iomraidhean Croise

متّی 5:9

مُبارک ہِن او جیہڑے صُلح کرویندے ہِن، کیوں جو او خُدا دے پوتر اکھویسن۔

یُوحنّا 1:12

پر جِتنیاں اُونکُوں قبول کیتا یعنی جیہڑے اُوندے ناں اُتے اِیمان گِھن آئے ہِن، اُوں اُنہاں کُوں خُدا دے فرزند بنڑݨ دا حق بخشیا۔

رومیوں 8:19

کیوں جو ساری مخلوق بہُوں شوق نال خُدا دے پوتراں دے ظاہر تھیوݨ دے اِنتظار ءچ ہے۔

رومیوں 8:5

جیہڑے لوک جِسمانی فطرت دے مطابق زندگی گُزریندے ہِن او نفسانی گالھیں دے خیال ءچ راہندے ہِن، پر جیہڑے لوک رُوح دے مطابق زندگی گُزریندے ہِن او رُوحانی گالھیں دے خیال ءچ راہندے ہِن۔

رومیوں 8:9

پر تُساں جِسمانی فطرت دے اِختیار ءچ نئیں بلکہ رُوح دے اِختیار ءچ ہیوے، شرط ایہ ہے جو خُدا دا رُوح القُدس تُہاڈے ءچ وسیا ہووے۔ پر جیندے ءچ مسیح دا رُوح القُدس نئیں او مسیح دا نئیں۔

رومیوں 9:26

تے اِینویں تھیسی جو ”جِتھاں اُنہاں کُوں آکھیا گِیا جو تُساں میڈی قوم کائنی اُتھاں او زندہ خُدا دے پوتر اکھویسن۔“

رومیوں 9:8

یعنی جِسمانی فرزند خُدا دے فرزند نئیں بلکہ صرف وعدہ دے فرزند نسل ءچ شمار کیتے ویندے ہِن۔

2کُرِنتھِیوں 6:18

تے تُہاڈا باپ ہوساں تے تُساں میڈے پوتر دِھیاں ہوسو۔ ایہ قول رب قادر مُطلق دا ہے۔“

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

گلتِیوں 4:5

تاں جو او ساکُوں جیہڑے شریعت دے تابع ہیں، چُھڑا گِھنے تے ساکُوں لےپالک پوتر تھیوݨ دا درجہ مِلے۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

گلتِیوں 5:16

مَیں تاں ایہ آدھا ہاں جو رُوح القُدس دے مطابق چلو تاں وَل تُساں نفسانی خواہشاں کُوں ہرگز پُورا نہ کریسو۔

گلتِیوں 5:18

پر جے تُساں پاک رُوح دی ہدایت نال چلدے ہیوے تاں شریعت دے تابع نئیں ہوندے۔

اِفِسیوں 1:5

خُدا آپنڑی مرضی تے نیک اِرادے دے مطابق پہلے کنُوں ای فیصلہ کیتا جو او ساکُوں یسُوع مسیح دے ذریعے آپنڑے لے پالک پوتر بنڑاوے،

اِفِسیوں 5:9

کیوں جو نُور دا پھل ہر طرحاں دی نیکی، پرہیزگاری تے سچائی ہے۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

1 یُوحنّا 3:24

جیہڑا کوئی خُدا دے حُکماں اُتے عمل کریندے، او خُدا ءچ قائم راہندے تے خُدا اُوندے ءچ۔ تے اساں جانڑدے ہیں جو خُدا ساڈے ءچ اُوں رُوح القُدس دے ذریعے جیہڑا اُوں ساکُوں بخشیا ہے، قائم راہندے۔

مُکاشفہ 21:7

جیہڑا غالب آسی او اِنہاں چیزاں دا وارث ہوسی۔ مَیں اُوندا خُدا ہوساں تے او میڈا پوتر ہوسی۔