رومیوں 8:13 - کِتاب مُقدّس سرائیکی ترجمہ

¹³ کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

رومیوں 8:13 Iomraidhean Croise

رومیوں 6:21

پر جیہڑے گالھیں کنُوں تُساں ہُنڑ شرمندہ ہیوے، اُنہاں کنُوں تُہاکُوں کیا مِلیا؟ کیوں جو اُنہاں دا انجام موت ہے۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 7:5

جِیں ویلے اساں آپنڑی جِسمانی فطرت دے مطابق زندگی گُزریندے ہسے تاں شریعت گُناہ دیاں خواہشاں پیدا کریندی ہئی۔ تے ایہ خواہشاں ساڈے اَنگاں اُتے اثر کریندیاں ہَن تے ایجھے پھل پیدا کریندیاں ہَن جِنہاں دا انجام موت ہے۔

رومیوں 8:12

اِیں واسطے بِھراؤ! اساں قرض دار تاں ہیں پر جِسمانی فطرت دے نئیں جو اُوندے مطابق زندگی گُزاروں۔

1کُرِنتھِیوں 9:27

بلکہ مَیں آپنڑے بدن اُتے سختی کریندا ہاں تے اُونکُوں قابو ءچ رکھیندا ہاں، اِینویں نہ تھیوے جو ڈُوجھیاں کُوں تبلیغ کر تے، مَیں خود اِنعام تُوں محروم تھی وَنجاں۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

گلتِیوں 6:8

جیہڑا کوئی آپنڑیاں بُریاں خواہشاں کیتے رہیندے، او ہلاکت دی فصل کپیسی۔ تے جیہڑا کوئی رُوح القُدس کُوں خوش کرݨ کیتے رہیندے، او رُوح القُدس دی طرفوں ہمیشاں دی زندگی دی فصل کپیسی۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

اِفِسیوں 4:30

خُدا دے رُوح القُدس کُوں ناراض نہ کرو جیندے نال تُہاڈے اُتے مخلصی دے ڈینہہ کیتے مُہر کیتی گئی ہے۔

اِفِسیوں 5:18

شراب ءچ دُھت نہ تھیؤ کیوں جو ایہ بدکاری دو گِھن ویندی ہے بلکہ رُوح القُدس نال بھریندے راہو۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔