رومیوں 8:11 - کِتاب مُقدّس سرائیکی ترجمہ

¹¹ خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

رومیوں 8:11 Iomraidhean Croise

یُوحنّا 14:17

یعنی سچائی دا رُوح، جِینکُوں دُنیا حاصل نئیں کر سگدی کیوں جو نہ تاں اُونکُوں ڈیدھی ہے نہ جانڑدی ہے۔ پر تُساں اُونکُوں جانڑدے ہیوے کیوں جو او تُہاڈے نال راہندے تے تُہاڈے اندر ہوسی۔

یُوحنّا 5:21

کیوں جو جِینویں باپ مُردیاں کُوں زندہ کر تے زندگی ڈیندے، اُونویں ای پوتر وی جِنہاں کُوں چاہندے زندگی ڈیندے۔

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

رومیوں 16:10

اَپلِّیس کُوں سلام آکھو جیہڑا مسیح ءچ مقبول ہے۔ اَرسِتُبُولُس دے گھر آلیاں کُوں سلام آکھو۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔

رومیوں 16:7

اندرُنِیکُس تے یُونِیاس کُوں سلام آکھو۔ او میڈے رشتہ دار ہِن تے میڈے نال قید ہَن تے رسُولاں ءچ مشہور ہِن تے مَیں کنُوں پہلے مسیح ءچ شامل تھئے۔

رومیوں 16:9

اُربانُس کُوں جیہڑا مسیح ءچ ساڈا ہم خدمت ہے تے میڈے عزیز استخُس کُوں سلام آکھو۔

رومیوں 6:12

بس گُناہ کُوں آپنڑے فانی جِسم اُتے حکُومت نہ کرݨ ڈیؤ تاں جو او تُہاکُوں آپنڑی خواہشاں دے تابع نہ رکھ سگے۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

رومیوں 8:12

اِیں واسطے بِھراؤ! اساں قرض دار تاں ہیں پر جِسمانی فطرت دے نئیں جو اُوندے مطابق زندگی گُزاروں۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

رومیوں 8:9

پر تُساں جِسمانی فطرت دے اِختیار ءچ نئیں بلکہ رُوح دے اِختیار ءچ ہیوے، شرط ایہ ہے جو خُدا دا رُوح القُدس تُہاڈے ءچ وسیا ہووے۔ پر جیندے ءچ مسیح دا رُوح القُدس نئیں او مسیح دا نئیں۔

1کُرِنتھِیوں 15:16

کیوں جو جے مُردے زندہ نئیں تھیندے تاں مسیح وی زندہ نئیں تھیّا۔

1کُرِنتھِیوں 6:14

تے خُدا آپنڑی قُدرت نال ساکُوں وی زندہ کریسی جِینویں خُداوند یسُوع کُوں زندہ کیتا۔

2کُرِنتھِیوں 4:11

کیوں جو اساں جیندے جی یسُوع دی خاطر موت دا مُنہ ڈیدھے راہندے ہیں تاں جو یسُوع دی زندگی ساڈے فانی بدن ءچ ظاہر تھیوے۔

2کُرِنتھِیوں 4:14

کیوں جو اساں جانڑدے ہیں جو خُداوند یسُوع کُوں مُردیاں ءچوں زندہ کرݨ آلا ساکُوں وی یسُوع دے وسیلے زندہ کریسی تے تُہاڈے نال آپنڑے سامنڑے حاضر کریسی۔

2کُرِنتھِیوں 5:4

اساں اِیں تمبُو ءچ راہندے ہوئے بھار تلے کراہندے ہیں اِیں واسطے نئیں جو اساں اِیں بدن کُوں چھوڑن چاہندے ہیں بلکہ اِیں واسطے جو ڈُوجھا بدن کپڑیاں وانگُوں پا گِھننڑ چاہندے ہیں تاں جو جیہڑا فانی ہے او ابدی زندگی ءچ غرق تھی ونجے۔

گلتِیوں 6:8

جیہڑا کوئی آپنڑیاں بُریاں خواہشاں کیتے رہیندے، او ہلاکت دی فصل کپیسی۔ تے جیہڑا کوئی رُوح القُدس کُوں خوش کرݨ کیتے رہیندے، او رُوح القُدس دی طرفوں ہمیشاں دی زندگی دی فصل کپیسی۔

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

فِلِپّیوں 3:21

او آپنڑی طاقت نال سارے چیزاں کُوں آپنڑے تابع کر سگدے تے اِیں طاقت دے ذریعے او ساڈے پست حال بدن دی شکل بدل تے اُونکُوں آپنڑے بدن وانگُوں جلال آلا بنڑا ڈیسی۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 11:11

پر ساڈھے ترے ڈینہہ بعد خُدا دی طرفوں اُنہاں ءچ زندگی دا دم پُھونکیا گِیا تے او آپنڑے پیراں اُتے کھڑے تھی گئے۔ اُنہاں دے ڈیکھنڑ آلیاں اُتے بہُوں خوف چھا گِیا۔