رومیوں 8:1 - کِتاب مُقدّس سرائیکی ترجمہ

¹ اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

رومیوں 8:1 Iomraidhean Croise

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

یُوحنّا 15:4

تُساں میڈے ءچ قائم راہو تے مَیں تُہاڈے ءچ قائم راہساں۔ جِینویں ٹاہنڑی جے انگُور دی ویل ءچ قائم نہ راہوے تاں آپنڑے آپ تُوں پھل نئیں ڈے سگدی، اُونویں ای تُساں وی جے میڈے ءچ قائم نہ راہو تاں پھل نئیں ڈے سگدے۔

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔

رومیوں 16:7

اندرُنِیکُس تے یُونِیاس کُوں سلام آکھو۔ او میڈے رشتہ دار ہِن تے میڈے نال قید ہَن تے رسُولاں ءچ مشہور ہِن تے مَیں کنُوں پہلے مسیح ءچ شامل تھئے۔

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

رومیوں 5:16

تے ہِک بندے دے گُناہ دے انجام تے خُدا دی نعمت ءچ بہُوں فرق ہے کیوں جو ہِک گُناہ دا انجام سزا دے حُکم دی شکل ءچ سامنڑے آیا۔ پر بہُوں سارے گُناہاں تُوں بعد وی فضل دا انجام لوکاں دے راستباز کھڑائے ونجنڑ دی شکل ءچ سامنڑے آیا۔

رومیوں 7:17

تاں وَل ایہ کرݨ آلا مَیں نئیں بلکہ او گُناہ ہے جیہڑا میڈے ءچ وسدے۔

رومیوں 7:20

بس جے مَیں او کریندا ہاں جِینکُوں کرݨ نئیں چاہندا تاں کرݨ آلا مَیں نہ ریہا بلکہ گُناہ ہے جیہڑا میڈے اندر وسدے۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

رومیوں 8:14

کیوں جو جیہڑے وی خُدا دے رُوح القُدس دی ہدایت نال چلدے ہِن اُوہو خُدا دے پوتر ہِن۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

رومیوں 8:39

نہ فرشتے، نہ حکومتاں، نہ حال دیاں نہ مُستقبل دیاں چیزاں، نہ قُدرت، نہ بُلندی، نہ پستی نہ کوئی بئی مخلوق۔

رومیوں 8:4

تاں جو شریعت دے تقاضے ساڈے ءچ پُورے تھیوݨ، جیہڑے جِسمانی فطرت دے مطابق نئیں بلکہ رُوح القُدس دے مطابق زندگی گُزریندے ہیں۔

رومیوں 8:9

پر تُساں جِسمانی فطرت دے اِختیار ءچ نئیں بلکہ رُوح دے اِختیار ءچ ہیوے، شرط ایہ ہے جو خُدا دا رُوح القُدس تُہاڈے ءچ وسیا ہووے۔ پر جیندے ءچ مسیح دا رُوح القُدس نئیں او مسیح دا نئیں۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

1کُرِنتھِیوں 15:22

تے جِینویں آدم ءچ سبھ مردے ہِن، اُونویں ای مسیح ءچ سبھ زندہ کیتے ویسن۔

2کُرِنتھِیوں 12:2

مَیں مسیح اُتے اِیمان رکھنڑ آلے ہِک بندے کُوں جانڑدا ہاں جیہڑا چوڈھاں سال پہلے اچانک تریجھے اسمان تئیں چا گِھدا گِیا۔ مَیں نئیں جانڑدا جو او جِسم ءچ یا بغیر جِسم دے چاتا گِیا، خُدا ای جانڑدے۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

گلتِیوں 5:16

مَیں تاں ایہ آدھا ہاں جو رُوح القُدس دے مطابق چلو تاں وَل تُساں نفسانی خواہشاں کُوں ہرگز پُورا نہ کریسو۔

گلتِیوں 5:25

جے اساں رُوح القُدس دے وسیلے زندہ ہیں تاں رُوح القُدس دی ہدایت دے مطابق زندگی گُزاروں۔

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔