رومیوں 7:4 - کِتاب مُقدّس سرائیکی ترجمہ

⁴ بِھراؤ! تُساں وی مسیح دے بدن دے وسیلے نال شریعت دے اعتبار نال مر گئے ہیوے تاں جو کہیں بئے دے تھی ونجو یعنی مسیح دے جیہڑا مُردیاں ءچوں زندہ کیتا گِیا تاں جو تُساں خُدا کیتے پھل گِھن آؤ۔

رومیوں 7:4 Iomraidhean Croise

متّی 26:26

کھانڑا کھاندے ویلے یسُوع روٹی گِھدی تے شُکر کر تے تروڑی تے شاگرداں کُوں ڈے تے آکھیا، ”گِھنو تے کھاؤ، ایہ میڈا بدن ہے۔“

مرقس 4:20

تے چنگی زمین ءچ ڈھاوݨ آلے بیج وانگُوں او لوک ہِن جیہڑے کلام کُوں سُنڑدے ہِن تے قبول کریندے ہِن تے پھل گِھن آندے ہِن۔ کوئی ترِیح گُنا، کوئی سَٹھ گُنا، کوئی سو گُنا۔“

یُوحنّا 15:8

میڈے باپ دا جلال اِیں تُوں تھیندے جو تُساں بہُوں سارا پھل گِھن آؤ۔ وَل تُساں واقعی میڈے شاگرد ہوسو۔

یُوحنّا 3:29

کُنوار تاں گھوٹ دی ہوندی ہے۔ پر گھوٹ دا دوست جیہڑا نال کھڑا تھی تے اُوندی سُنڑدے، او گھوٹ دی اواز سُنڑ تے خوش تھیندے۔ بس میڈی ایہ خوشی پُوری تھی گئی۔

یُوحنّا 6:51

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

رومیوں 6:11

اِینویں ای تُساں وی آپنڑے آپ کُوں گُناہ دے لحاظ نال تاں مُردہ، پر خُدا دے جلال کیتے یسُوع مسیح ءچ زندہ سمجھو۔

رومیوں 6:14

کیوں جو تُساں شریعت دے ماتحت نئیں بلکہ فضل دے ماتحت ہیوے، اِیں واسطے گُناہ دا تُہاڈے اُتے اِختیار نہ ہوسی۔

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

رومیوں 7:3

جے او آپنڑے پئے دے جیندے جی کہیں بئے بندے دی تھی ونجے تاں زانیہ اکھویسی۔ پر جے اُوندا پایا مر ونجے تاں او اِیں شریعت کنُوں آزاد تھی ویندی ہے۔ اُوں حالت ءچ او کہیں بئے بندے دی تھی وی ونجے تاں او زانیہ نہ اکھویسی۔

رومیوں 7:6

پر ہُنڑ اساں مر تے شریعت دی قید ءچوں چُھٹ گئے ہیں۔ تے اساں لِکھی ہوئی شریعت دے پُرانڑے طریقہ دے مطابق نئیں بلکہ رُوح القُدس دے نویں طریقہ دے مطابق خدمت کریندے ہیں۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

1کُرِنتھِیوں 10:16

جِیں ویلے اساں [مسیح دی یادگاری ءچ] اُوں برکت دے پیالے اُتے برکت منگ تے پِیندے ہیں تاں کیا اساں مسیح دے خون ءچ شریک نئیں تھیندے؟ تے جڈاں او روٹی تروڑ تے کھاندے ہیں تاں کیا اساں مسیح دے بدن ءچ شریک نئیں تھیندے؟

2کُرِنتھِیوں 11:2

میڈے دل ءچ تُہاڈے کیتے خُدا وانگُوں غیرت ہے کیوں جو مَیں تُہاڈا رشتہ ہِکو پئے یعنی مسیح نال طے کیتے تاں جو تُہاکُوں ہِک پاک دامن کُنواری وانگُوں اُوندے کولھ پیش کراں۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

گلتِیوں 5:18

پر جے تُساں پاک رُوح دی ہدایت نال چلدے ہیوے تاں شریعت دے تابع نئیں ہوندے۔

اِفِسیوں 2:15

کیوں جو اُوں شریعت کُوں اُوندے حُکماں تے قانُوناں سمیت ختم کر ڈِتے، تاں جو یہُودی تے غیر یہُودی کُوں آپنڑے آپ ءچ ہِک نواں اِنسان بنڑا تے صُلح کرا ڈیوے۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

فِلِپّیوں 4:17

میں ایہ اِیں واسطے نئیں آدھا جو مَیں کوئی امداد چاہندا ہاں بلکہ مَیں ایہ چاہندا ہاں جو تُہاکُوں تُہاڈے نیک کماں دا اجر مِل ونجے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

کلُسِّیوں 1:6

جیہڑی تُہاڈے کولھ پُجی ہے۔ او ساری دُنیا ءچ اِینویں پھل ڈیندی تے ودھدی ویندی ہے، جِینویں تُہاڈے ءچ وی کریندی پئی ہے، اُوں ڈینہہ کنُوں جڈاں تُساں خُدا دے فضل دے بارے ءچ سُنڑیا تے اُونکُوں سچ جانڑیا۔

کلُسِّیوں 2:14

تے حُکم عدُولی دے لِکھے ہوئے اِلزاماں کُوں مِٹا ڈِتا جیہڑے ساڈے خلاف ہَن، تے اُونکُوں صلیب اُتے کِیلاں نال جَڑ تے، ساڈے کنُوں دُور کر ڈِتا،

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

مُکاشفہ 19:7

آؤ اساں خوشی مناؤں تے بہُوں شادمان تھیؤں اُوندی تعریف کرُوں کیوں جو لیلے دی شادی دا وقت آ گئے تے اُوندی کُنوار آپنڑے آپ کُوں تیار کر گِھدے۔

مُکاشفہ 21:9

وَل اُنہاں سَت فرشتیاں ءچوں جِنہاں دے کولھ آخری سَت آفتاں نال بھرے سَت مُنگر ہَن، ہِک آ تے میکُوں آکھیا جو ”آ، مَیں تیکُوں کُنوار، یعنی لیلے دی ذال ڈِکھیساں۔“