رومیوں 7:14 - کِتاب مُقدّس سرائیکی ترجمہ

¹⁴ اساں جانڑدے ہیں جو شریعت ہِک رُوحانی چیز ہے پر مَیں جِسمانی ہاں تے گُناہ دی غُلامی ءچ وِک گِیا ہاں۔

رومیوں 7:14 Iomraidhean Croise

متّی 16:23

یسُوع پطرس دو مُڑ تے آکھیا، ”شیطان! میڈے کنُوں دُور تھی وَنج۔ تُوں میڈے کیتے ٹھوکر دا باعث ہیں کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“

متّی 18:25

پر کیوں جو اُوندے کولھ قرض لہاوݨ کیتے کُجھ نہ ہا، اُوندے مالک حُکم ڈِتا جو اُونکُوں، اُوندی ذال تے اُوندے بالاں کُوں تے جیہڑا کُجھ اُوندا ہے سبھ کُجھ ویچ ڈِتا ونجے تے قرض وصُول کر گِھدا ونجے۔

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

متّی 5:28

پر مَیں تُہاکُوں ایہ آدھا ہاں جو جئیں کہیں عورت کُوں بُری نِگاہ نال ڈِٹھا تاں اُوں آپنڑے دل ءچ اُوندے نال زِنا کر گِھدا۔

لُوقا 5:8

شمعون پطرس ایہ ڈیکھ تے یسُوع دے پیراں اُتے ڈھٹھا تے آکھیا، ”مالک! میڈے کولُھوں چلے ونجو کیوں جو مَیں گُنہگار بندہ ہاں۔“

لُوقا 7:6

یسُوع اُنہاں دے نال چلیا۔ پر جِیں ویلے او اُوندے گھر دے نیڑے پُجیا تاں صوبیدار کُجھ دوستاں دے ذریعے اُونکُوں اکھوا بھیجیا جو ”مالک! تکلیف نہ کرو، کیوں جو مَیں اِیں لائق نئیں جو تُساں میڈی چھت تلے آؤ۔

رومیوں 3:9

بس اِیندا نتیجہ کیا ہے؟ کیا اساں یہُودی اُنہاں کنُوں چنگے ہیں؟ اصلُوں نئیں۔ اساں تاں پہلے ای آکھ ڈِتے جو یہُودی تے غیریہُودی سارے دے سارے گُناہ دے قبضے ءچ ہِن۔

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

رومیوں 7:18

مَیں جانڑدا ہاں جو میڈے ءچ یعنی میڈے جِسم ءچ تاں کوئی نیکی نئیں وسدی۔ بھانویں نیکی کرݨ دا اِرادہ میڈے ءچ موجود ہے، پر مَیں اِیں اِرادے اُتے عمل نئیں کر سگدا۔

گلتِیوں 4:3

اِینویں ای اساں وی جِیں ویلے بال ہسے تاں دُنیاوی اصُولاں دی غُلامی ءچ ہسے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔