رومیوں 6:3 - کِتاب مُقدّس سرائیکی ترجمہ

³ کیا تُساں نئیں جانڑدے جو ساڈے ءچوں جیہڑے لوکاں مسیح یسُوع ءچ شامل تھیوݨ دا بپتسمہ گِھدے تاں اُوندی موت ءچ شامل تھیوݨ دا بپتسمہ گِھدے؟

رومیوں 6:3 Iomraidhean Croise

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

اعمال 19:5

ایہ سُنڑ تے اُنہاں خُداوند یسُوع دے ناں ءچ بپتسمہ گِھدا۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 8:16

کیوں جو او اُوں ویلے تئیں اُنہاں ءچوں کہیں اُتے نازل نہ تھیّا ہا۔ اُنہاں صرف خُداوند یسُوع دے ناں اُتے بپتسمہ گِھدا ہا۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

رومیوں 6:8

جڈاں اساں مسیح دے نال مر گئے تاں ساکُوں یقین ہے جو اُوندے نال زندہ وی تھی ویسوں۔

رومیوں 7:1

بِھراؤ! کیا تُساں نئیں جانڑدے (مَیں اُنہاں کُوں آدھا ہاں جیہڑے شریعت کنُوں واقف ہِن) جو اِنسان صرف اُوں ویلے تئیں شریعت دے ماتحت ہے، جئیں تئیں او زندہ ہے؟

1کُرِنتھِیوں 10:2

اُنہاں ساریاں مُوسیٰ دے پیروکار تھیوݨ کیتے، بدّل تے سمندر ءچ بپتسمہ گِھدا۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

1کُرِنتھِیوں 15:29

جے مُردیاں دی قیامت نئیں ہوندی تاں او لوک کیا کریسن جیہڑے مُردیاں دی خاطر بپتسمہ گِھندے ہِن؟ جے مُردے زندہ نئیں تھیندے تاں وَل اُنہاں کیتے بپتسمہ کیوں گِھندے ہِن؟

1کُرِنتھِیوں 3:16

کیا تُساں نئیں جانڑدے جو تُساں خُدا دی ہیکل ہیوے تے خُدا دا رُوح القُدس تُہاڈے ءچ وسیا ہویا ہے؟

1کُرِنتھِیوں 5:6

تُہاڈا فخر کرݨ ٹھیک نئیں۔ کیا تُساں نئیں جانڑدے جو تھوڑا جِیہا خمیر سارے مَلے ہوئے اٹّے کُوں خمیرا کر ڈیندے؟

1کُرِنتھِیوں 6:19

کیا تُساں نئیں جانڑدے جو تُہاڈا بدن رُوح القُدس دی ہیکل ہے جیہڑا تُہاڈے ءچ وسدے تے جیہڑا تُہاکُوں خُدا دی طرفوں مِلے؟ تُساں آپنڑے مالک نئیں

1کُرِنتھِیوں 6:9

کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،

1کُرِنتھِیوں 9:13

کیا تُساں نئیں جانڑدے جو جیہڑے ہیکل ءچ خدمت کریندے ہِن، اُنہاں کُوں کھانڑا اُتھوں مِلدے؟ تے جیہڑے قُربان گاہ اُتے خدمت کریندے ہِن، اُنہاں کُوں اُنہاں قُربانیاں ءچوں حصہ مِلدے؟

1کُرِنتھِیوں 9:24

کیا تُساں نئیں جانڑدے جو مُقابلے ءچ بھجنڑ آلے تاں سبھ بھجدے ہِن پر اِنعام صرف ہِک کُوں مِلدے؟ تُساں وی اِینویں ای بھجو تاں جو اِنعام حاصل کرو۔

2کُرِنتھِیوں 13:5

تُساں آپنڑے آپ کُوں ازما تے پتا کرو جو اِیمان ءچ ہیوے یا نئیں۔ آپنڑے آپ کُوں پرکھو۔ کیا تُساں آپنڑے بارے ءچ ایہ نئیں جانڑدے جو یسُوع مسیح تُہاڈے ءچ ہے؟ نہ تاں تُساں اِیمان دے اِمتحان ءچ ناکام ہیوے۔

گلتِیوں 3:27

تُساں ساریاں جِنہاں مسیح ءچ شریک تھیوݨ دا بپتسمہ گِھدے، مسیح کُوں کپڑے پاوݨ وانگُوں پا گِھدے۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔