رومیوں 6:21 - کِتاب مُقدّس سرائیکی ترجمہ

²¹ پر جیہڑے گالھیں کنُوں تُساں ہُنڑ شرمندہ ہیوے، اُنہاں کنُوں تُہاکُوں کیا مِلیا؟ کیوں جو اُنہاں دا انجام موت ہے۔

رومیوں 6:21 Iomraidhean Croise

رومیوں 1:32

بھانویں او خُدا دا ایہ حُکم جانڑدے ہِن جو ایجھے کم کرݨ آلے موت دی سزا دے حقدار ہِن، وَل وی نہ صرف او آپ اِیہو کم کریندے ہِن بلکہ ایجھا کرݨ آلے کُوں چنگا سمجھدے ہِن۔

رومیوں 5:12

بس جِینویں ہِک بندے دے سببّوں گُناہ دُنیا ءچ آیا تے گُناہ دے سببّوں موت آ گئی تے اِینویں موت سارے اِنساناں ءچ پھیل گئی کیوں جو ساریاں گُناہ کیتا۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 7:5

جِیں ویلے اساں آپنڑی جِسمانی فطرت دے مطابق زندگی گُزریندے ہسے تاں شریعت گُناہ دیاں خواہشاں پیدا کریندی ہئی۔ تے ایہ خواہشاں ساڈے اَنگاں اُتے اثر کریندیاں ہَن تے ایجھے پھل پیدا کریندیاں ہَن جِنہاں دا انجام موت ہے۔

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

رومیوں 8:6

جِسمانی نیّت موت ہے پر رُوحانی نیّت زندگی تے اِطمینان ہے۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

فِلِپّیوں 3:19

اُنہاں دا انجام ہلاکت ہے، اُنہاں دا پیٹ ای اُنہاں دا خُدا ہے۔ او آپنڑے شرم دے گالھیں اُتے فخر کریندے ہِن تے دُنیاوی چیزاں دے خیال ءچ لگے راہندے ہِن۔

عبرانیوں 10:29

تاں او بندہ کِتنی وڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جیندے نال او پاک تھیّا ہا، ناپاک سمجھیا، تے فضل ڈیوݨ آلے رُوح القُدس دی بے عزتی کیتی۔

عبرانیوں 6:8

پر جے او زمین جھاڑیاں تے کنڈیر پیدا کریندی راہوے تاں او کہیں کم دی نئیں۔ اُوندے اُتے لعنت جلدی آوݨ آلی ہے تے آخر کار اُونکُوں ساڑ ڈِتا ویسی۔

یعقُوب 1:15

وَل خواہش حاملہ تھی تے گُناہ پیدا کریندی ہے تے گُناہ بالغ تھی تے موت پیدا کریندے۔

یعقُوب 5:20

تاں یاد رکھو جو گُنہگار کُوں گُمراہی کنُوں واپس گِھن آوݨ آلا، ہِک جان کُوں موت کنُوں بچیسی تے بہُوں سارے گُناہاں اُتے پڑدہ پیسی۔

1 پطرس 4:17

کیوں جو عدالت دا ویلا آ گئے تے عدالت خُدا دے گھر آلیاں تُوں شروع تھیسی تے جڈاں عدالت ساڈے تُوں شروع تھیسی تاں اُنہاں دا انجام کیا ہوسی جیہڑے خُدا دی خوشخبری کُوں نئیں منیندے۔

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

مُکاشفہ 16:6

کیوں جو اُنہاں تیڈے مُقدّساں تے نبیاں دا خون وہایا تے تَیں اُنہاں کُوں پِیوݨ کیتے خون ای ڈِتا۔ او اِیندے ای لائق ہِن۔“

مُکاشفہ 20:14

وَل موت تے عالم ِ ارواح کُوں بھاہ دی جھیل ءچ سَٹ ڈِتا گِیا۔ ایہ بھاہ دی جھیل ڈُوجھی موت ہے۔