رومیوں 5:6 - کِتاب مُقدّس سرائیکی ترجمہ

⁶ کیوں جو جِیں ویلے اساں سارے بے وس ہسے تاں مسیح عین موقع تے اساں بدکاراں کیتے آپنڑی جان ڈِتی۔

رومیوں 5:6 Iomraidhean Croise

رومیوں 11:26

وَل پُوری قوم اِسرائیل کُوں نجات مِلسی۔ کیوں جو لِکھیا ہے ”چُھڑاوݨ آلا صِیُّون ءچوں نِکل سی او بدکاراں کُوں یعقُوب کنُوں کڈھیسی۔

رومیوں 4:25

او ساڈے گُناہاں کیتے موت دے حوالے کیتا گِیا تے ساکُوں راستباز بنڑاوݨ کیتے زندہ کیتا گِیا۔

رومیوں 4:5

پر جیہڑا بندہ کم نئیں کریندا بلکہ بدکاراں کُوں راستباز بنڑاوݨ آلے خُدا اُتے اِیمان رکھیندے، اُوندا اِیمان اُوندے کیتے راستبازی شمار کیتا ویندے۔

رومیوں 5:10

کیوں جو جِیں ویلے خُدا دے دُشمنڑ ہووݨ دے باوجود اُوندے پوتر دی موت دے وسیلے ساڈی اُوندے نال صُلح تھی گئی تاں صُلح تھیوݨ تُوں بعد اساں اُوندی زندگی دے سببّوں ضرور ای بچ ویسوں۔

رومیوں 5:7

کہیں راستباز دی خاطر وی کوئی مُشکل نال آپنڑی جان ڈیسی پر شاید کوئی کہیں نیک بندے کیتے آپنڑی جان ڈیوݨ دی جُرأت کرے۔

رومیوں 5:8

پر خُدا ساڈے اُتے آپنڑی محبت اِینویں ظاہر کیتی جو جِیں ویلے اساں گُنہگار ای ہسے تاں مسیح ساڈی خاطر آپنڑی جان ڈِتی۔

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

کلُسِّیوں 2:13

تُساں تاں آپنڑے گُناہاں دے سببّوں تے ختنہ نہ کراوݨ دے سببّوں مُردہ ہَوے، پر خُدا تُہاکُوں مسیح نال زندہ کیتے۔ اُوں ساڈے سارے گُناہ معاف کر ڈِتے

1تھِسّلُنیکیوں 5:9

کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

1 تِیمُتھِیُس 1:9

اساں ایہ وی جانڑدے ہیں جو شریعت راستبازاں کیتے نئیں بلکہ بے شرع لوکاں، باغیاں، بدکاراں، گُنہگاراں، ناپاکاں، بے دیناں، ماء پِیُو کُوں قتل کرݨ آلیاں، خونیاں

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

عبرانیوں 8:3

ہر کاہِن ِ اعظم نذراں تے قُربانیاں پیش کرݨ کیتے مقرر کیتا ویندے۔ اِیں واسطے لازمی ہا جو ساڈے سردار کاہِن دے کولھ وی پیش کرݨ کیتے کُجھ ہووے۔

عبرانیوں 9:26

نہ تاں دُنیا دے شروع کنُوں گِھن تے ہُنڑ تئیں اُونکُوں ولا ولا موت دا ڈُکھ چاونڑا پوندا۔ پر ہُنڑ زمانیاں دے آخر ءچ مسیح ہِک پھیری ظاہر تھیّا تاں جو آپنڑے آپ کُوں قُربان کرݨ نال گُناہ کُوں ختم کر ڈیوے۔

1 پطرس 1:20

خُدا مسیح کُوں دُنیا بنڑاوݨ تُوں پہلے مقرر کیتا پر تُہاڈے کیتے اُونکُوں اِیں آخری زمانے ءچ ظاہر کیتا۔

2 پطرس 3:7

تے موجودہ اسمان تے زمین خُدا دے کلام دے وسیلہ نال بھاہ ءچ ساڑے ونجنڑ کیتے رکھے گئے ہِن۔ او بے دیناں دی عدالت تے ہلاکت دے ڈینہہ تئیں محفوظ راہسن۔

یہُوداہ 1:15

تاں جو سبھ لوکاں دا اِنصاف کرے تے بے دین گُنہگاراں کُوں اُنہاں دیاں سبھ بدکاریاں دی وجہ تُوں تے اُنہاں گُستاخ گالھیں دی وجہ تُوں جیہڑیاں اُنہاں اُوندی شان ءچ کیتیاں ہِن، قصُوروار کھڑاوے ۔“

یہُوداہ 1:18

اُنہاں تُہاکُوں آکھیا ہا جو ”آخری ڈینہاں ءچ ٹھٹّھا کرݨ آلے نِکلسن جیہڑے آپنڑی بے دینی دیاں خواہشاں دے پِچُھوں ٹُرسن۔“

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔