رومیوں 5:12 - کِتاب مُقدّس سرائیکی ترجمہ

¹² بس جِینویں ہِک بندے دے سببّوں گُناہ دُنیا ءچ آیا تے گُناہ دے سببّوں موت آ گئی تے اِینویں موت سارے اِنساناں ءچ پھیل گئی کیوں جو ساریاں گُناہ کیتا۔

رومیوں 5:12 Iomraidhean Croise

رومیوں 3:23

کیوں جو ساریاں گُناہ کیتا تے خُدا دے جلال کنُوں محروم ہِن۔

رومیوں 5:18

اِیں واسطے جِینویں ہِک بندے دے گُناہ دے سببّوں سبھ آدمیاں کیتے موت دی سزا دا حُکم تھیّا، اُونویں ای راستبازی دے ہِکے کم دے سببّوں سارے آدمی راستباز کھڑ تے زندگی پیندن۔

رومیوں 5:19

کیوں جو جِینویں ہِک بندے دی نافرمانی دے سببّوں بہُوں سارے لوک گُنہگار بنڑ گئے، اُونویں ای ہِک بندے دی فرمانبرداری دے سببّوں بہُوں سارے لوک راستباز کھڑائے ویسن۔

رومیوں 5:21

تاں جو جِینویں گُناہ موت دے ذریعے حکُومت کیتی، اُونویں ای خُدا دا فضل وی راستبازی دے ذریعے حکُومت کریسی تے ساڈے خُداوند یسُوع مسیح دے وسیلے نال ہمیشاں دی زندگی ڈیسی۔

رومیوں 6:21

پر جیہڑے گالھیں کنُوں تُساں ہُنڑ شرمندہ ہیوے، اُنہاں کنُوں تُہاکُوں کیا مِلیا؟ کیوں جو اُنہاں دا انجام موت ہے۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

1کُرِنتھِیوں 15:56

موت دا ڈنگ گُناہ ہے تے گُناہ دا زور شریعت ہے۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

یعقُوب 1:15

وَل خواہش حاملہ تھی تے گُناہ پیدا کریندی ہے تے گُناہ بالغ تھی تے موت پیدا کریندے۔

یعقُوب 3:2

اِیں واسطے جو اساں سبھ بہُوں ساریاں غلطیاں کریندے ہیں۔ کامِل بندہ او ہے جیہڑا آپنڑی کہیں گالھ ءچ خطا نئیں کریندا۔ ایجھا بندہ آپنڑے سارے بدن کُوں وی قابو ءچ رکھ سگدے۔