رومیوں 5:11 - کِتاب مُقدّس سرائیکی ترجمہ

¹¹ تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔

رومیوں 5:11 Iomraidhean Croise

لُوقا 1:46

وَل مریم آکھیا، ”میڈی جان رب دی تعظیم کریندی ہے

یُوحنّا 1:12

پر جِتنیاں اُونکُوں قبول کیتا یعنی جیہڑے اُوندے ناں اُتے اِیمان گِھن آئے ہِن، اُوں اُنہاں کُوں خُدا دے فرزند بنڑݨ دا حق بخشیا۔

رومیوں 11:15

کیوں جو جِیں ویلے اُنہاں دا رَد تھی ونجنڑ، دُنیا کیتے خُدا نال صُلح دا سبب بنڑ گِیا تاں اُنہاں دا ولا قبول تھی ونجنڑ مُردیاں ءچوں زندہ تھی ونجنڑ الی کار نہ ہوسی؟

رومیوں 2:17

پر جے تُوں یہُودی اکھویندیں تے شریعت اُتے بھروسہ کریندیں تے خُدا اُتے فخر کریندیں،

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

رومیوں 5:10

کیوں جو جِیں ویلے خُدا دے دُشمنڑ ہووݨ دے باوجود اُوندے پوتر دی موت دے وسیلے ساڈی اُوندے نال صُلح تھی گئی تاں صُلح تھیوݨ تُوں بعد اساں اُوندی زندگی دے سببّوں ضرور ای بچ ویسوں۔

رومیوں 5:3

تے صرف اِیہو نئیں بلکہ اساں مُصیبتاں ءچ خوش تھیندے ہیں کیوں جو اساں جانڑدے ہیں جو مُصیبت نال صبر پیدا تھیندے۔

رومیوں 8:23

تے صرف اُوہو نئیں بلکہ اساں وی جِنہاں کُوں رُوح القُدس دے پہلے پھل مِلے ہِن، آپنڑے دل ءچ کراہندے ہوئے اُوں ویلے دا اِنتظار کریندے پئے ہیں جِیں ویلے خُدا ساکُوں لےپالک بنڑا تے ساڈے بدن کُوں رہائی ڈیسی۔

رومیوں 9:10

صرف اِیہو نئیں بلکہ رِبقہ وی ہِک بندے یعنی ساڈے پِیُو اِضحاق کنُوں حاملہ ہئی۔

1کُرِنتھِیوں 10:16

جِیں ویلے اساں [مسیح دی یادگاری ءچ] اُوں برکت دے پیالے اُتے برکت منگ تے پِیندے ہیں تاں کیا اساں مسیح دے خون ءچ شریک نئیں تھیندے؟ تے جڈاں او روٹی تروڑ تے کھاندے ہیں تاں کیا اساں مسیح دے بدن ءچ شریک نئیں تھیندے؟

2کُرِنتھِیوں 8:19

تے صرف اِیہو نئیں بلکہ کلیسیاواں اُونکُوں چُنڑ گِھدے جو او ساڈے نال سفر کرے جڈاں اساں خیرات کُوں یروشلیم پُچاؤں۔ اساں ایہ کم خُداوند کُوں جلال ڈیوݨ کیتے تے آپنڑی خدمت دے شوق کُوں ظاہر کرݨ کیتے کریندے ہیں۔

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

فِلِپّیوں 3:1

غرض میڈے بِھراؤ! خُداوند ءچ خوش راہو۔ تُہاکُوں ایہ گالھ ولا ولا لِکھنڑ ءچ میکُوں تاں کوئی مسئلہ نئیں تے اِیندے ءچ تُہاڈا تحفظ ہے۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

فِلِپّیوں 4:4

خُداوند ءچ ہر وقت خوش راہو۔ میں ولا آدھا ہاں جو خوش راہو۔

کلُسِّیوں 2:6

بس جِینویں تُساں مسیح یسُوع کُوں آپنڑا خُداوند قبول کر گِھدے، اُونویں ای اُوندے ءچ چلدے راہو۔

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔