رومیوں 5:1 - کِتاب مُقدّس سرائیکی ترجمہ

¹ بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

رومیوں 5:1 Iomraidhean Croise

لُوقا 19:38

جو ”مُبارک ہے او بادشاہ جیہڑا رب العالمین دے ناں کنُوں آندا ہے۔ اسمان اُتے صُلح تے سبھ تُوں اُچے اسمان اُتے خُدا دا جلال!“

لُوقا 19:42

”کاش جو تُوں اَج دے ڈینہہ جانڑ گِھندی جو تیڈی سلامتی کیندے ءچ ہے۔ پر ہُنڑ او تیڈے اکھیں کنُوں اوڈھر تھی گئیاں ہِن۔

لُوقا 2:14

”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

رومیوں 1:17

کیوں جو خوشخبری خُدا دی راستبازی کُوں ظاہر کریندی ہے، او راستبازی جیہڑی اِیمان ای دے ذریعے حاصل تھیندی ہے، جِینویں پاک کلام ءچ لِکھیا ہے جو ”راستباز اِیمان نال زندہ راہسی۔“

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

رومیوں 10:10

کیوں جو راستباز کھڑائے ونجنڑ کیتے دل نال اِیمان گِھن آونڑاں ہوندے تے نجات حاصل کرݨ کیتے اِقرار مُنہ کنُوں کیتا ویندے۔

رومیوں 10:15

تے خوشخبری کِینویں سُنڑاوݨ جئیں تئیں کوئی اُنہاں کُوں نہ بھیجے ؟ اِیں واسطے لِکھیا ہے جو ”اُنہاں دے پیر کیجھے بختاں آلے ہِن جیہڑے خوشخبری سُنڑیندن۔“

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 15:33

خُدا جیہڑا اِطمینان دا سرچشمہ ہے، تُساں ساریاں نال راہوے۔ آمین۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

رومیوں 3:30

کیوں جو ہِک ای خُدا ہے جیہڑا ختنہ تھئے ہوئیاں تے ختنہ نہ تھئے ہوئے لوکاں، ڈُوہائیں کُوں اُنہاں دے اِیمان دے وسیلے نال راستباز کھڑیسی۔

رومیوں 4:5

پر جیہڑا بندہ کم نئیں کریندا بلکہ بدکاراں کُوں راستباز بنڑاوݨ آلے خُدا اُتے اِیمان رکھیندے، اُوندا اِیمان اُوندے کیتے راستبازی شمار کیتا ویندے۔

رومیوں 5:11

تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔

رومیوں 5:18

اِیں واسطے جِینویں ہِک بندے دے گُناہ دے سببّوں سبھ آدمیاں کیتے موت دی سزا دا حُکم تھیّا، اُونویں ای راستبازی دے ہِکے کم دے سببّوں سارے آدمی راستباز کھڑ تے زندگی پیندن۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 9:30

بس اساں کیا آکھوں؟ ایہ جو غیریہُودی جیہڑے راستبازی دے طالب نہ ہَن راستبازی حاصل کیتی یعنی او راستبازی جیہڑی اِیمان نال ہے۔

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

گلتِیوں 3:25

پر ہُنڑ اِیمان دی راہ آ گئی ہے تے اساں شریعت دی نگہبانی ءچ نئیں ریہے۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

اِفِسیوں 2:7

تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

کلُسِّیوں 1:20

اُوندی ایہ مرضی ہئی جو مسیح دے وسیلے سبھ چیزاں نال آپنڑی صُلح کر گِھنے بھانویں او اسمان دیاں ہووݨ یا زمین دیاں۔ اُوں مسیح دے خون دے وسیلے جیہڑا صلیب اُتے وہایا گِیا صُلح سلامتی قائم کیتی۔

کلُسِّیوں 3:15

تے مسیح دے اِطمینان کُوں آپنڑے دِلاں اُتے حکُومت کرݨ ڈیؤ، کیوں جو تُساں ہِک بدن ہوندے ہوئے صُلح نال راہوݨ کیتے سڈے گئے ہیوے، تے تُساں شُکر گُزار راہو۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

2تھِسّلُنیکیوں 3:16

ہُنڑ خُداوند جیہڑا اِطمینان دا چشمہ ہے خود تُہاکُوں ہمیشاں تے ہر حالت ءچ اِطمینان بخشے۔ خُداوند تُساں سبھ نال راہوے۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،