رومیوں 4:5 - کِتاب مُقدّس سرائیکی ترجمہ

⁵ پر جیہڑا بندہ کم نئیں کریندا بلکہ بدکاراں کُوں راستباز بنڑاوݨ آلے خُدا اُتے اِیمان رکھیندے، اُوندا اِیمان اُوندے کیتے راستبازی شمار کیتا ویندے۔

رومیوں 4:5 Iomraidhean Croise

مرقس 9:23

یسُوع اُونکُوں آکھیا، ”کیا! جے تُساں کر سگدے ہیوے؟ جیہڑا اِیمان رکھیندے اُوندے کیتے سبھ کُجھ تھی سگدے۔“

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

یُوحنّا 6:29

یسُوع جواب ڈِتا، ”خُدا دا کم ایہ ہے جو جِینکُوں اُوں بھیجیا ہے، اُوندے اُتے اِیمان گِھن آؤ۔“

رومیوں 10:3

او اُوں راستبازی کنُوں واقف نہ ہَن جیہڑی خُدا دی طرفوں ہے بلکہ خود آپنڑی راستبازی کُوں قائم کرݨ دی کوشش کریندے ریہے، اِیں واسطے او خُدا دی راستبازی دے تابع نہ تھئے۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

رومیوں 4:24

بلکہ ساڈے کیتے وی جِنہاں کیتے اِیمان راستبازی شمار کیتا ویسی۔ کیوں جو اساں اُوں خُدا اُتے اِیمان گِھن آئے ہیں جئیں ساڈے خُداوند یسُوع کُوں مُردیاں ءچوں زندہ کیتا۔

رومیوں 4:3

کیوں جو خُدا دا کلام آدھے جو ”ابرہام خُدا اُتے اِیمان گِھن آیا تے ایہ اُوندے کیتے راستبازی شمار کیتا گِیا۔“

رومیوں 4:6

بس جئیں بندے کُوں خُدا اُوندے اعمال دے بغیر راستباز آدھے، داؤد وی اُوں بندے کُوں اِینویں مُبارک اکھیندے،

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔