رومیوں 4:21 - کِتاب مُقدّس سرائیکی ترجمہ

²¹ اُونکُوں پکا یقین ہا جو جِیں خُدا وعدہ کیتے او اُونکُوں پُورا کرݨ دی وی قُدرت رکھیندے۔

رومیوں 4:21 Iomraidhean Croise

متّی 19:26

یسُوع اُنہاں دو ڈیکھ تے آکھیا، ”اِنسان کیتے تاں ایہ نا ممکن ہے پر خُدا کیتے سبھ کُجھ ممکن ہے۔“

لُوقا 1:1

معزز تِھیُفِلُس، بہُوں سارے لوکاں اُنہاں واقعات کُوں جیہڑے ساڈے وچال پیش آئے ہَن، لِکھنڑ دی ذمہ داری چاتی۔

لُوقا 1:37

کیوں جو خُدا کیتے کوئی وی گالھ ناممکن نئیں۔“

لُوقا 1:45

مُبارک ہیں تُوں جیہڑی اِیمان گِھن آئی جو جیہڑے گالھیں خُداوند دی طرفوں تیکُوں آکھیاں گئیاں ہَن او پُوریاں تھیسن۔“

رومیوں 14:4

تُوں کوݨ ہیں جو کہیں ڈُوجھے دے نوکر اُتے اِلزام لاویں؟ او قائم ہے یا ڈھٹھا پِیا ہے، اُوندے مالک دا فیصلہ ہے۔ بلکہ او قائم کیتا ویسی کیوں جو خُداوند اُونکُوں قائم کرݨ اُتے قادر ہے۔

رومیوں 14:5

کوئی بندہ تاں ہِک ڈینہہ کُوں ڈُوجھے ڈینہہ کنُوں چنگا سمجھدے تے کوئی سارے ڈینہاں کُوں برابر جانڑدے۔ ہر بندے کُوں آپنڑے ضمیر دے مطابق فیصلہ کرنڑا چاہیدے۔

رومیوں 8:38

کیوں جو میکُوں یقین ہے جو کوئی چیز وی ساکُوں خُدا دی اُوں محبت کنُوں اَنج نہ کر سگسی جیہڑی ساڈے خُداوند یسُوع المسیح دے ذریعے ساڈے اُتے ظاہر کیتی گئی ہے، نہ موت، نہ زندگی،

2کُرِنتھِیوں 9:8

خُدا تُہاڈے اُتے ہر طرحاں دا فضل کثرت نال کر سگدے، تاں جو تُہاڈے کولھ ہمیشاں ہر چیز ضرورت کنُوں زیادہ ہووے تے ہر ہِک نیک کم کیتے تُہاڈے کولھ بہُوں کُجھ موجود ہووے۔

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

عبرانیوں 11:19

ابرہام سمجھیا جو خُدا مُردیاں کُوں وی زندہ کرݨ دی قُدرت رکھیندے۔ تے اِیں لحاظ نال اِضحاق اُونکُوں مُردیاں ءچوں ولا زندہ مِلیا۔