رومیوں 4:18 - کِتاب مُقدّس سرائیکی ترجمہ

¹⁸ ابرہام نا اُمیدی ءچ وی اِیمان رکھیندا ہا تے بہُوں ساریاں قوماں دا پِیُو بنڑیا جِینویں جو اُونکُوں آکھیا گِیا ہا جو ”تیڈی نسل اِینویں ای ہوسی۔“

رومیوں 4:18 Iomraidhean Croise

لُوقا 1:18

زکریاہ فرشتہ کُوں آکھیا، ”مَیں اِیں گالھ دا کِینویں یقین کراں کیوں جو مَیں تاں بُڈھا ہاں تے میڈی ذال وی بُڈھی ہے؟“

اعمال 27:25

اِیں واسطے صاحبو! تُساں آپنڑا حوصلہ وڈا رکھو۔ میڈا اِیمان ہے جو اُوہو کُجھ تھیسی جیہڑا میڈے خُدا میکُوں فرمائے۔

رومیوں 4:17

جِینویں لِکھیا ہے جو ”مَیں تیکُوں بہُوں ساریاں قوماں دا پِیُو مقرر کیتے۔“ ابرہام خُدا دی نِگاہ ءچ ساڈا پِیُو ہے جیندے اُتے او اِیمان رکھیندا ہا تے جیہڑا مُردیاں کُوں زندہ کریندے تے غیر موجود چیزاں کُوں اِینویں سڈ گِھندے جِینویں او موجود ہِن۔

رومیوں 4:19

ابرہام تقریباً سو سال دا ہا تے جانڑدا ہا جو اُوندا جسم مُردے آلی کار ہے تے سارہ دا رِحم وی مُردے آلی کار ہے، وَل وی اُوندا اِیمان کمزور نہ تھیّا۔

رومیوں 5:5

ایجھی اُمید ساکُوں مایوس نئیں کریندی کیوں جو رُوح القُدس جیہڑا ساکُوں بخشیا گِیا ہے اُوں ساڈے دِلاں کُوں خُدا دی محبت نال بھر ڈِتے۔

رومیوں 8:24

کیوں جو اِیں اُمید ءچ ساکُوں نجات مِلی۔ پر جے او چیز جیندی اُمید ہے سامنڑے آ ونجے تاں وَل کیجھی اُمید؟ کوݨ اُوں چیز دی اُمید رکھیندے، جیہڑی اُونکُوں پہلے ای مِل گئی ہووے؟

عبرانیوں 6:19

ایہ اُمید ساڈے کیتے ایجھے لنگر آلی کار ہے جیہڑا مضبوط تے قائم راہندے۔ تے ایہ اُمید ساکُوں پڑدے دے پِچُھوں خُدا دی سبھ تُوں مُقدّس جاہ تئیں پُچیندی ہے،