رومیوں 3:8 - کِتاب مُقدّس سرائیکی ترجمہ

⁸ کیوں نہ ایہ آکھوں جو ”آؤ اساں بُرائی کرُوں تاں جو بھلائی تھیوے؟“ کُجھ لوک ساڈے اُتے اِلزام لیندے ہِن جو ساڈی تعلیم اِیہو ہے۔ پر ایجھے لوکاں دا مُجرم کھڑایا ونجنڑاں اِنصاف ہے۔

رومیوں 3:8 Iomraidhean Croise

متّی 5:11

مُبارک ہوسو تُساں جِیں ویلے لوک تُہاکُوں میڈے سببّوں لعن طعن کریسن تے طرحاں طرحاں دے بُرے گالھیں تُہاڈے بارے ءچ نا حق اکھیسن۔

رومیوں 5:20

بعد ءچ شریعت آ گئی تاں جو گُناہ زیادہ تھی ونجے پر جِتھاں گُناہ زیادہ تھیّا اُتھاں فضل اُوں کنُوں وی زیادہ تھیّا۔

رومیوں 6:1

بس اساں کیا آکھوں؟ کیا گُناہ کریندے رہ ونجُوں تاں جو ساڈے اُتے فضل زیادہ تھیوے؟

رومیوں 6:15

وَل کیا کرُوں؟ کیا اساں اِیں واسطے گُناہ کریندے راہوں جو اساں شریعت دے ماتحت نئیں بلکہ فضل دے ماتحت ہیں؟ ہرگز نئیں۔

رومیوں 7:7

بس اساں کیا آکھوں؟ کیا شریعت گُناہ ہے؟ ہرگز نئیں بلکہ جے شریعت نہ ہوندی تاں میکُوں گُناہ دا پتہ نہ لگدا۔ مثلاً جے شریعت ایہ نہ آدھی جو ”تُوں لالچ نہ کر“ تاں میکُوں لالچ دا پتہ نہ چلدا۔

2کُرِنتھِیوں 11:15

اِیں واسطے ایہ کوئی وڈی گالھ نئیں جے اُوندے خادم وی آپنڑے آپ کُوں راستبازی دے خادماں وانگُوں بنڑا گِھننڑ۔ پر اُنہاں دا انجام اُنہاں دے کماں دے مطابق ہوسی۔

2کُرِنتھِیوں 6:8

عزت تے بے عزتی ءچ، بدنامی تے نیک نامی ءچ۔ اساں سچے ہیں پر وَل وی لوک ساکُوں دوکھے باز سمجھدے ہِن۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔