رومیوں 3:4 - کِتاب مُقدّس سرائیکی ترجمہ

⁴ ہرگز نئیں۔ بلکہ خُدا سچا ہے بھانویں ہر بندہ کُوڑا ہے۔ جِینویں پاک کلام ءچ لِکھیا ہے جو ”تُوں آپنڑے گالھیں ءچ سچا ثابت ہوسیں تے آپنڑے مقدمے ءچ جیت سیں۔“

رومیوں 3:4 Iomraidhean Croise

متّی 11:19

اِبنِ آدم کھاندا پِیندا آیا تے او آدھن، ’ڈیکھو ایہ کھاؤُ تے شرابی بندہ، محصُول گِھننڑ آلیاں تے گُنہگاراں دا یار۔‘ پر حِکمت آپنڑے کماں تُوں برحق ثابت تھئی۔“

لُوقا 20:16

او آ تے اُنہاں ٹھیکیداراں کُوں ہلاک کریسی تے انگُوراں دا باغ ڈُوجھیاں دے حوالے کر ڈیسی۔“ لوکاں سُنڑ تے آکھیا، ”خُدا نہ کرے۔“

یُوحنّا 3:33

جئیں اُوندی گواہی قبول کیتی اُوں اِیں گالھ دی تصدیق کر ڈِتی جو خُدا سچا ہے۔

رومیوں 11:1

اِیں واسطے مَیں پُچھدا ہاں، کیا خُدا آپنڑی قوم کُوں رَد کر ڈِتے؟ ہرگز نئیں! کیوں جو مَیں وی اِسرائیلی تے ابرہام دی نسل ءچوں ہاں تے بِنیمِین دے قبیلہ ءچوں ہاں۔

رومیوں 11:11

مَیں وَل اکھیندا ہاں، کیا اُنہاں ایجھا تُھڈا کھادے جو ڈھے پووݨ؟ ہرگز نئیں! بلکہ اُنہاں دی گُمراہی دے سببّوں غیریہُودیاں کُوں نجات حاصل کرݨ دا موقع مِلیا تاں جو یہُودیاں کُوں غیرت آوے۔

رومیوں 3:31

کیا اساں شریعت کُوں اِیمان دے سببّوں منسوخ کریندے ہیں؟ ہرگز نئیں بلکہ شریعت کُوں قائم رکھیندے ہیں۔

رومیوں 6:15

وَل کیا کرُوں؟ کیا اساں اِیں واسطے گُناہ کریندے راہوں جو اساں شریعت دے ماتحت نئیں بلکہ فضل دے ماتحت ہیں؟ ہرگز نئیں۔

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

رومیوں 7:13

تاں کیا اُوہو چیز جیہڑی چنگی ہے میڈے کیتے موت بنڑ گئی؟ ہرگز نئیں بلکہ گُناہ ہِک چنگی چیز کنُوں فائدہ چا تے میڈی موت دی وجہ بنڑ گِیا تاں جو گُناہ دی اصلیّت ظاہر تھی ونجے تے حُکم دے ذریعے گُناہ حد تُوں زیادہ مکرُوہ معلوم تھیوے۔

رومیوں 7:7

بس اساں کیا آکھوں؟ کیا شریعت گُناہ ہے؟ ہرگز نئیں بلکہ جے شریعت نہ ہوندی تاں میکُوں گُناہ دا پتہ نہ لگدا۔ مثلاً جے شریعت ایہ نہ آدھی جو ”تُوں لالچ نہ کر“ تاں میکُوں لالچ دا پتہ نہ چلدا۔

رومیوں 9:14

وَل اساں کیا آکھوں؟ کیا خُدا بے اِنصاف ہے؟ ہرگز نئیں!

1کُرِنتھِیوں 6:15

کیا تُساں نئیں جانڑدے جو تُہاڈے بدن مسیح دے اَنگ ہِن؟ کیا مَیں مسیح دے انگاں کُوں گِھن تے کہیں طوائف نال جوڑ ڈیواں؟ ہرگز نئیں!

2کُرِنتھِیوں 1:18

جِینویں خُدا سچا ہے اُونویں ای تُہاڈے نال ساڈے پیغام ءچ ”ہاں“ تے ”نہ“ ڈوہائیں نئیں ہوندے۔

گلتِیوں 2:17

پر اساں جیہڑے مسیح ءچ راستباز تھیوݨ چاہندے ہیں، جے خود ای گُنہگار نِکلُوں تاں کیا مسیح گُناہ دا سبب ہے؟ ہرگز نئیں!

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

1 یُوحنّا 5:10

جیہڑا خُدا دے پوتر اُتے اِیمان رکھیندے، او آپنڑے آپ ءچ اِیہو گواہی رکھیندے۔ جئیں خُدا اُتے یقین نئیں رکھیا، اُوں خُدا کُوں کُوڑا آکھیا کیوں جو او اُوں گواہی اُتے اِیمان نئیں رکھیندا جیہڑی خُدا آپنڑے پوتر دے حق ءچ ڈِتی ہے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو