رومیوں 3:27 - کِتاب مُقدّس سرائیکی ترجمہ

²⁷ بس فخر کِتھاں ریہا؟ اِیندی گُنجائش ای نہ ریہی۔ کیہڑی شریعت دی وجہ تُوں؟ کیا اعمال دے وسیلے نال؟ نئیں، بلکہ اِیمان دی شریعت دے وسیلے نال۔

رومیوں 3:27 Iomraidhean Croise

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

یُوحنّا 3:36

جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

رومیوں 10:5

کیوں جو مُوسیٰ اُوں راستبازی دے بارے ءچ جیہڑی شریعت کنُوں ہے ایہ لِکھیا ہے جو ”جیہڑا اُنہاں حُکماں اُتے عمل کریندے او اُنہاں دے وسیلے زندہ راہسی۔“

رومیوں 11:6

تے جے فضل کنُوں چُنڑے گئے ہِن تاں وَل اعمال کنُوں نئیں، نہ تاں فضل، فضل نہ راہندا۔

رومیوں 2:17

پر جے تُوں یہُودی اکھویندیں تے شریعت اُتے بھروسہ کریندیں تے خُدا اُتے فخر کریندیں،

رومیوں 2:23

تُوں جیہڑا شریعت اُتے فخر کریندیں، تُوں خود کیوں شریعت دی نافرمانی کر تے خُدا دی بے عزتی کریندیں؟

رومیوں 3:19

بس اساں جانڑدے ہیں جو شریعت جیہڑا کُجھ آدھی ہے، اُنہاں کُوں آدھی ہے جیہڑے شریعت دے پابند ہِن، تاں جو ہر مُنہ بند تھی ونجے تے ساری دُنیا خُدا دے سامنڑے سزا دی حقدار ہووے۔

رومیوں 3:26

بلکہ اِیں زمانہ ءچ وی آپنڑی راستبازی ظاہر کرݨ کیتے، کیوں جو او خود وی عادل ہے تے ہر بندے کُوں جیہڑا یسُوع اُتے اِیمان گِھن آندے، راستباز کھڑاوݨ آلا ہے۔

رومیوں 4:2

جے او آپنڑے اعمال دی وجہ کنُوں راستباز کھڑدا تاں اُونکُوں فخر کرݨ دا حق ہوندا پر خُدا دے حضُور ءچ نئیں۔

رومیوں 7:21

بس مَیں ایجھا قانُون پَیندا ہاں جو جِیں ویلے مَیں نیکی کرݨ دا اِرادہ کریندا ہاں تاں بُرائی میڈے کولھ آ موجود تھیندی ہے۔

رومیوں 7:23

پر میکُوں آپنڑے انگاں ءچ ہِک بئی شریعت نظر آندی ہے جیہڑی میڈی عقل دی شریعت نال لڑ تے میکُوں گُناہ دی اُوں شریعت دا قیدی بنڑا ڈیندی ہے جیہڑی میڈے انگاں ءچ کم کریندی ہے۔

رومیوں 7:25

خُدا دا شُکر ہے جو او ساڈے خُداوند یسُوع مسیح دے وسیلے میکُوں چُھڑویسی۔ بس میڈا حال ایہ ہے جو مَیں آپنڑی عقل کنُوں خُدا دی شریعت دا تے جِسم کنُوں گُناہ دی شریعت دا غُلام ہاں۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

رومیوں 9:31

پر بنی اِسرائیل جیہڑے شریعت دے ذریعے راستبازی دے طالب ہَن، اُونکُوں حاصل نہ کر سگے۔

رومیوں 9:32

کیوں؟ اِیں واسطے جو اُنہاں اِیمان نال نئیں بلکہ اعمال دے ذریعے اُونکُوں گولھیا تے تُھڈا لگنڑ آلے پتھر کنُوں تُھڈا کھادا۔

1کُرِنتھِیوں 4:7

آخر تَیں ءچ تے ڈُوجھے ءچ فرق کوݨ کریندے؟ تیڈے ءچ کیہڑی خاص چیز ہے جیہڑی تیکُوں خُدا کنُوں نئیں مِلی؟ تے جڈاں تیکُوں مِلی ہے تاں فخر کیجھا جِینویں جو خود حاصل کیتی ہووے؟

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔