رومیوں 3:25 - کِتاب مُقدّس سرائیکی ترجمہ

²⁵ خُدا اُونکُوں مقرر کیتا جو او آپنڑے خون دے سببّوں ایجھا کفارہ بنڑ ونجے جیہڑا اِیمان گِھن آوݨ آلے کیتے فائدہ مند ہووے۔ ایہ خُدا آپنڑی راستبازی ظاہر کرݨ کیتے کیتا، کیوں جو اُوں بہُوں صبر تے برداشت نال اُنہاں گُناہاں دی سزا نہ ڈِتی جیہڑے ماضی ءچ تھئے ہَن۔

رومیوں 3:25 Iomraidhean Croise

یُوحنّا 6:47

مَیں تُہاکُوں سچ آدھا ہاں جو جیہڑا کوئی اِیمان گِھن آندے، ہمیشاں دی زندگی اُوندی ہے۔

اعمال 14:16

اُوں پِچھلے زمانہ ءچ سبھ قوماں کُوں آپنڑے آپنڑے رستے اُتے ٹُرݨ ڈِتا۔

اعمال 15:18

جیہڑا دُنیا دے شروع تُوں اِنہئی گالھیں دی خبر ڈیندا آیا ہے۔

اعمال 17:30

خُدا ماضی دی ایجھی جہالت کُوں نظرانداز کر ڈِتا پر ہُنڑ او سارے اِنساناں کُوں ہر جاہ حُکم ڈیندے جو توبہ کرݨ۔

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

اعمال 3:18

پر خُدا او سارے گالھیں جیہڑیاں اُوں آپنڑے نبیاں دی زبانی آکھیاں ہَن جو اُوندا مسیح ڈُکھ چیسی، اِیں طرحاں پُوریاں کیتیاں۔

اعمال 4:28

تاں جو جیہڑا کُجھ تیڈی قُدرت تے اِرادہ دے مطابق پہلے ای مقرر کر ڈِتا گِیا ہا اُوہو تھیوے۔

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

رومیوں 3:26

بلکہ اِیں زمانہ ءچ وی آپنڑی راستبازی ظاہر کرݨ کیتے، کیوں جو او خود وی عادل ہے تے ہر بندے کُوں جیہڑا یسُوع اُتے اِیمان گِھن آندے، راستباز کھڑاوݨ آلا ہے۔

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

رومیوں 5:11

تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔

رومیوں 5:18

اِیں واسطے جِینویں ہِک بندے دے گُناہ دے سببّوں سبھ آدمیاں کیتے موت دی سزا دا حُکم تھیّا، اُونویں ای راستبازی دے ہِکے کم دے سببّوں سارے آدمی راستباز کھڑ تے زندگی پیندن۔

رومیوں 5:9

جڈاں مسیح دے خون دے وسیلے نال اساں راستباز کھڑائے گئے تاں ایہ گالھ زیادہ یقینی ہے جو اساں اُوندے وسیلے خُدا دے عذاب تُوں بچ ویسوں۔

1کُرِنتھِیوں 5:7

آپنڑے آپ کُوں بدی دے اُوں پُڑانڑے خمیر تُوں پاک کر گِھنو تاں جو تازہ مَلیا ہویا اٹّا بنڑ ونجو۔ تُساں ہیوے خمیر تُوں پاک کیوں جو مسیح جیہڑا فسح دا لیلا ہے ساڈے کیتے قُربان کیتا گئے۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

اِفِسیوں 1:7

ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

اِفِسیوں 2:13

پر تُساں جیہڑے پہلے دُور ہَوے ہُنڑ یسُوع مسیح ءچ اُوندے خون دے وسیلے خُدا دے نیڑے گِھن آئے گئے ہیوے۔

1 تِیمُتھِیُس 1:15

ایہ گالھ سچ تے ہر لحاظ نال قبول کرݨ دے لائق ہے جو ”مسیح یسُوع گُنہگاراں کُوں نجات ڈیوݨ کیتے دُنیا ءچ آیا،“ جِنہاں ءچوں سبھ تُوں وڈا گُنہگار مَیں ہاں۔

عبرانیوں 10:4

کیوں جو ممکن نئیں جو بکریَاں تے ڈانداں دا خون گُناہاں کُوں مِٹا سگے۔

عبرانیوں 11:14

جیہڑے ایجھے گالھیں کریندے ہِن، او ظاہر کریندے ہِن جو او ہُنڑ تئیں آپنڑے وطن دی گولھ ءچ ہِن۔

عبرانیوں 11:17

اِیمان دی وجہ کنُوں ای ابرہام آپنڑے اِمتحان دے وقت اِضحاق کُوں قُربانی دے طور تے نذر کیتا۔ ہا، ابرہام جیندے نال وعدے کیتے گئے ہَن او آپنڑے کلھے پوتر کُوں قُربان کرݨ کیتے تیار تھی گِیا،

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

عبرانیوں 9:5

صندوق دے اُتے کروبی فرشتے بنڑائے ہوئے ہَن، جیہڑے خُدا دے جلال کُوں ظاہر کریندے ہَن تے کفارہ دی جاہ یعنی صندوق دے ڈھکنڑ اُتے چھاں کیتی راہندے ہَن۔ پر اِنہاں گالھیں دی تفصیل بیان کرݨ دا ایہ موقع نئیں۔

1 یُوحنّا 1:10

جے اساں دعویٰ کرُوں جو اساں گُناہ نئیں کیتا تاں خُدا کُوں کُوڑا آدھے ہیں تے اُوندا کلام ساڈے ءچ نئیں۔

1 یُوحنّا 2:2

اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔