رومیوں 3:23 - کِتاب مُقدّس سرائیکی ترجمہ

²³ کیوں جو ساریاں گُناہ کیتا تے خُدا دے جلال کنُوں محروم ہِن۔

رومیوں 3:23 Iomraidhean Croise

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

رومیوں 11:32

کیوں جو خُدا ساریاں کُوں نافرمانی ءچ گرفتار تھیوݨ ڈِتے تاں جو او ساریاں اُتے رحم کرے۔

رومیوں 3:19

بس اساں جانڑدے ہیں جو شریعت جیہڑا کُجھ آدھی ہے، اُنہاں کُوں آدھی ہے جیہڑے شریعت دے پابند ہِن، تاں جو ہر مُنہ بند تھی ونجے تے ساری دُنیا خُدا دے سامنڑے سزا دی حقدار ہووے۔

رومیوں 3:9

بس اِیندا نتیجہ کیا ہے؟ کیا اساں یہُودی اُنہاں کنُوں چنگے ہیں؟ اصلُوں نئیں۔ اساں تاں پہلے ای آکھ ڈِتے جو یہُودی تے غیریہُودی سارے دے سارے گُناہ دے قبضے ءچ ہِن۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

2تھِسّلُنیکیوں 2:14

خُدا تُہاکُوں اِیں نجات کیتے ساڈی سُنڑائی ہوئی خوشخبری دے ذریعے سڈیا تاں جو تُساں ساڈے خُداوند یسُوع مسیح دے جلال ءچ شامل تھی ونجو۔

عبرانیوں 4:1

بس جڈاں خُدا دا ایہ وعدہ قائم ہے جو اساں اُوندے ارام دی جاہ ءچ داخل تھی سگدے ہیں تاں ساکُوں خبردار راہونڑا چاہیدے، کِتھائیں اِینویں نہ تھیوے جو تُہاڈے ءچوں کوئی اُوندے ءچ داخل تھیوݨ کنُوں محروم رہ ونجے۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔