رومیوں 3:22 - کِتاب مُقدّس سرائیکی ترجمہ

²² یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

رومیوں 3:22 Iomraidhean Croise

لُوقا 15:22

پر پِیُو آپنڑے نوکراں کُوں آکھیا، ’چنگی کنُوں چنگی پُشاک کڈھ تے اُونکُوں پواؤ تے اُوندے ہتھ ءچ مُندری تے پیراں ءچ جُتی پواؤ۔

اعمال 11:12

رُوح القُدس میکُوں آکھیا جو ’جِھجکے بغیر اُنہاں نال چلیا وَنج۔‘ ایہ چِھی بِھرا وی میڈے نال گئے تے اساں اُوں بندے دے گھر ءچ داخل تھئے۔

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

اعمال 3:16

یسُوع دے ناں اُتے اِیمان رکھنڑ نال اِیں بندے، جِینکُوں تُساں ڈیدھے تے جانڑدے ہیوے، شِفا پائی۔ اُوں اِیمان جیہڑا یسُوع دے وسیلے نال ہے اُونکُوں سبھ دے سامنڑے ایہ کامِل تندرُستی ڈِتی۔

رومیوں 1:17

کیوں جو خوشخبری خُدا دی راستبازی کُوں ظاہر کریندی ہے، او راستبازی جیہڑی اِیمان ای دے ذریعے حاصل تھیندی ہے، جِینویں پاک کلام ءچ لِکھیا ہے جو ”راستباز اِیمان نال زندہ راہسی۔“

رومیوں 10:12

کیوں جو یہُودی تے غیریہُودی ءچ کوئی فرق نئیں اِیں واسطے جو اُوہو خُداوند سبھ دا خُداوند ہے تے سبھ کُوں جیہڑے اُوندے تُوں دُعا کریندن فیاضی نال برکت ڈیندے۔

رومیوں 10:4

کیوں جو مسیح شریعت دی تکمیل ہے تے نتیجے ءچ ہر اِیمان گِھن آوݨ آلا راستباز کھڑایا ویندے۔

رومیوں 2:1

اِیں واسطے اِلزام لاوݨ آلے، تُوں جیہڑا کوئی وی ہونویں تیڈے کولھ کوئی بہانہ نئیں۔ کیوں جو جڈاں تُوں ڈُوجھے اُتے اِلزام لیندیں تے خود اُوہو کم کریندیں تاں اِینویں آپنڑے آپ کُوں مُجرم بنڑیندیں۔

رومیوں 3:30

کیوں جو ہِک ای خُدا ہے جیہڑا ختنہ تھئے ہوئیاں تے ختنہ نہ تھئے ہوئے لوکاں، ڈُوہائیں کُوں اُنہاں دے اِیمان دے وسیلے نال راستباز کھڑیسی۔

رومیوں 4:16

اِیں واسطے ایہ وعدہ اِیمان دے سببّوں مِلدے تاں جو فضل دے طور تے ہووے تے ابرہام دی یکی نسل کیتے ہووے، صرف اُنہاں کیتے نئیں جیہڑے شریعت دے مننڑ آلے ہِن بلکہ اُنہاں کیتے وی جیہڑے ابرہام وانگُوں اِیمان رکھیندے ہِن۔ کیوں جو ابرہام اساں ساریاں دا پِیُو ہے،

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

رومیوں 9:30

بس اساں کیا آکھوں؟ ایہ جو غیریہُودی جیہڑے راستبازی دے طالب نہ ہَن راستبازی حاصل کیتی یعنی او راستبازی جیہڑی اِیمان نال ہے۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

1کُرِنتھِیوں 4:7

آخر تَیں ءچ تے ڈُوجھے ءچ فرق کوݨ کریندے؟ تیڈے ءچ کیہڑی خاص چیز ہے جیہڑی تیکُوں خُدا کنُوں نئیں مِلی؟ تے جڈاں تیکُوں مِلی ہے تاں فخر کیجھا جِینویں جو خود حاصل کیتی ہووے؟

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

اِفِسیوں 3:12

ہُنڑ مسیح ءچ تے مسیح اُتے اِیمان رکھ تے اساں دلیری تے اعتماد نال خُدا دے کولھ آ سگدے ہیں۔

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

یعقُوب 2:23

اِینویں خُدا دے کلام دی ایہ گالھ پُوری تھئی جو ”ابرہام خُدا اُتے اِیمان گِھن آیا تے ایہ اُوندے کیتے راستبازی شمار کیتا گِیا،“ تے ”او خُدا دا دوست اکھوایا۔“