رومیوں 3:2 - کِتاب مُقدّس سرائیکی ترجمہ

² ہر لحاظ نال بہُوں سارا ہے۔ خاص طور تے ایہ جو خُدا دا کلام اُنہاں دے سپُرد کیتا گئے۔

رومیوں 3:2 Iomraidhean Croise

یُوحنّا 5:39

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

اعمال 7:38

ایہ اُوہو ہے جیہڑا بیابان دی جماعت ءچ اُوں فرشتہ دے نال وی ہا جیہڑا کوہ ِ سِینا اُتے اُوندے نال ہم کلام تھیّا، تے ساڈے پِیُو ڈاڈا دے نال وی ہا۔ اُونہی کُوں زندہ کلام مِلیا جو ساڈے تئیں پُچا ڈیوے۔

رومیوں 1:2

اِیں خوشخبری دا وعدہ خُدا بہُوں پہلے کنُوں آپنڑے نبیاں دی معرفت پاک کلام ءچ

رومیوں 2:18

تے اُوندی مرضی جانڑدیں تے شریعت دی تعلیم گِھن تے چنگے گالھیں پسند کریندیں،

رومیوں 3:1

بس یہُودی ہووݨ دا کیا فائدہ ہے تے ختنہ ءچ کیا خُوبی ہے؟

رومیوں 3:3

جے کُجھ بے وفا تھی گئے تاں کیا تھیّا؟ کیا اُنہاں دی بے وفائی دے سببّوں خُدا وفا داری کرݨ چھوڑ ڈیسی؟

رومیوں 9:4

او بنی اِسرائیل ءچوں ہِن تے لےپالک تھیوݨ دا حق تے جلال تے یکے عہد تے شریعت تے عبادت تے وعدے وی اُنہاں کیتے ای ہِن۔

1کُرِنتھِیوں 9:17

جے مَیں آپنڑی مرضی نال تبلیغ کریندا ہاں تاں وَل میڈے کیتے اجر ہے پر میں ایہ آپنڑی مرضی نال نئیں کریندا بلکہ خُدا ایہ ذمہ داری میڈے سپُرد کیتی ہے۔

2کُرِنتھِیوں 5:19

مطلب ایہ ہے جو خُدا مسیح دے وسیلے دُنیا نال صُلح کیتی تے لوکاں دے گُناہاں کُوں اُنہاں دے ذمہ نہ لایا تے صُلح دا ایہ پیغام اُوں ساڈے حوالے کر ڈِتے۔

گلتِیوں 2:7

بلکہ اُنہاں ڈِٹھا جو جِینویں یہُودیاں کُوں خوشخبری سُنڑاوݨ دا کم پطرس دے سپُرد کیتا گِیا ہا، اُونویں ای غیر یہُودیاں کُوں خوشخبری سُنڑاوݨ دا کم میڈے سپُرد کیتا گئے۔

1 تِیمُتھِیُس 6:20

تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

عبرانیوں 5:12

وقت دے حساب نال تاں ہُنڑ تئیں تُہاکُوں اُستاد ہوونڑا چاہیدا ہا پر ہُنڑ تئیں اِیں گالھ دی لوڑ ہے جو کوئی بندہ تُہاکُوں خُدا دے کلام دے بنیادی اصُول ولا سِکھاوے۔ تُہاکُوں روٹی کھاوݨ دی نئیں بلکہ کھیر پِیوݨ دی لوڑ ہے۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

مُکاشفہ 22:6

اُوں فرشتے میکُوں آکھیا، ”ایہ گالھیں اعتماد دے قابل تے سچے ہِن۔ خُداوند جیہڑا نبیاں دیاں رُوحاں دا خُدا ہے، آپنڑا فرشتہ اِیں غرض نال بھیجیا ہے جو او آپنڑے بندیاں اُتے او گالھیں ظاہر کرے جِنہاں دا جلدی واقع تھیوݨ ضرور ہے۔“