رومیوں 2:24 - کِتاب مُقدّس سرائیکی ترجمہ

²⁴ اِیہو وجہ ہے جو پاک کلام ءچ لِکھیا ہے جو ”تُہاڈی وجہ کنُوں غیر قوماں ءچ خُدا دے ناں دی توہین کیتی ویندی ہے۔“

رومیوں 2:24 Iomraidhean Croise

متّی 18:7

گُمراہ کرݨ آلیاں چیزاں دی وجہ کنُوں اِیں دُنیا اُتے افسوس ہے۔ ایجھیاں ٹھوکراں دا ہووݨ تاں ضرور ہے پر اُوں بندے اُتے افسوس جیندی وجہ کنُوں ٹھوکر لگے۔

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔

1 تِیمُتھِیُس 6:1

جیہڑے نوکر غُلامی دی پنجالی ءچ ہِن او آپنڑے مالکاں کُوں پُوری عزت دے لائق سمجھنڑ تاں جو کوئی خُدا دے ناں دی تے ساڈی تعلیم دی بدنامی نہ کرے۔

طِطُس 2:5

تے مُتّقی، پاک دامن، گھر دا کم کرݨ آلیاں تے مہربان ہووݨ تے آپنڑے پایاں دے تابع راہوݨ تاں جو خُدا دے کلام دی بدنامی نہ تھیوے۔

طِطُس 2:8

تے تیڈا کلام ایجھا صحیح ہووے جو کوئی بندہ اُوندے اُتے انگل نہ چا سگے تاں جو مخالفاں کُوں ساڈے اُتے اِلزام لاوݨ دا موقع نہ مِلے تے او شرمندہ تھی ونجنڑ۔

2 پطرس 2:2

بہُوں سارے لوک اُنہاں دی شہوت پرستی دی پیروی کریسن جیندے سببّوں سچائی دی راہ دی بدنامی تھیسی۔