رومیوں 2:17 - کِتاب مُقدّس سرائیکی ترجمہ

¹⁷ پر جے تُوں یہُودی اکھویندیں تے شریعت اُتے بھروسہ کریندیں تے خُدا اُتے فخر کریندیں،

رومیوں 2:17 Iomraidhean Croise

متّی 3:9

تے آپنڑی اِیں بُھل ءچ نہ رہ ونجو جو ’ابرہام ساڈا پِیُو ہے،‘ کیوں جو مَیں تُہاکُوں آدھا ہاں جو خُدا اِنہاں پتھراں تُوں ابرہام کیتے اولاد پیدا کر سگدے۔

لُوقا 10:28

یسُوع اُونکُوں آکھیا، ”تَیں ٹھیک جواب ڈِتے۔ اِیہو کر تاں تُوں جِیندا راہسیں۔“

یُوحنّا 5:39

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

یُوحنّا 5:45

ایہ نہ سمجھو جو مَیں باپ دے سامنڑے تُہاڈے اُتے اِلزام لیساں۔ تُہاڈے اُتے اِلزام لاوݨ آلا تاں ہے یعنی مُوسیٰ جئیں اُتے تُساں اُمید رکھی ہے۔

یُوحنّا 7:19

کیا مُوسیٰ تُہاکُوں شریعت نئیں ڈِتی؟ وَل وی تُہاڈے ءچوں کوئی شریعت اُتے عمل نئیں کریندا۔ تُساں کیوں میکُوں قتل کرݨ دی کوشش ءچ ہیوے؟“

یُوحنّا 8:33

اُنہاں اُونکُوں جواب ڈِتا، ”اساں تاں ابرہام دی اولاد ہیں تے کڈھائیں کہیں دی غُلامی ءچ نئیں ریہے۔ تُوں کیوں آدھیں جو تُساں آزاد کیتے ویسو؟“

یُوحنّا 8:41

تُساں اُوہو کریندے ہیوے جیہڑا تُہاڈا پِیُو کریندا ہا۔“ اُنہاں اُونکُوں آکھیا، ”اساں ناجائز اولاد نئیں، ساڈا باپ ہِکو ہے یعنی خُدا۔“

رومیوں 2:23

تُوں جیہڑا شریعت اُتے فخر کریندیں، تُوں خود کیوں شریعت دی نافرمانی کر تے خُدا دی بے عزتی کریندیں؟

رومیوں 3:27

بس فخر کِتھاں ریہا؟ اِیندی گُنجائش ای نہ ریہی۔ کیہڑی شریعت دی وجہ تُوں؟ کیا اعمال دے وسیلے نال؟ نئیں، بلکہ اِیمان دی شریعت دے وسیلے نال۔

رومیوں 9:32

کیوں؟ اِیں واسطے جو اُنہاں اِیمان نال نئیں بلکہ اعمال دے ذریعے اُونکُوں گولھیا تے تُھڈا لگنڑ آلے پتھر کنُوں تُھڈا کھادا۔

2کُرِنتھِیوں 11:22

کیا او عبرانی ہِن؟ مَیں وی ہاں۔ کیا او اِسرائیلی ہِن؟ مَیں وی ہاں۔ کیا او ابرہام دی اولاد ہِن؟ مَیں وی ہاں۔

گلتِیوں 2:15

”اساں پیدائشی یہُودی ہیں، گُنہگار غیر قوماں ءچوں نئیں۔

اِفِسیوں 2:11

بس یاد رکھو جو ماضی ءچ تُساں جیہڑے پیدائشی طور تے غیر قوم آلے ہَوے، کیا ہَوے۔ ختنہ کراوݨ آلے یہُودی تُہاکُوں ”بغیر ختنہ آلے“ آدھے ہَن، بھانویں اُنہاں دا ختنہ صرف اِنسانی ہتھ نال جِسم ءچ کیتا ہویا کم ہے۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

مُکاشفہ 3:1

سردِیس دی کلیسیا دے فرشتہ کُوں لِکھ جو جیندے کولھ خُدا دیاں سَت رُوحاں تے سَت تارے ہِن، او ایہ فرمیندے جو ”مَیں تیڈے کماں کُوں جانڑدا ہاں۔ تُوں زندہ اکھویندا ہیں، پر ہیں مُردہ۔

مُکاشفہ 3:9

ڈیکھ! مَیں شیطان دی جماعت دے اُنہاں لوکاں نال جیہڑے آپنڑے آپ کُوں بنی اِسرائیل آدھے ہِن پر ہِن نئیں بلکہ کُوڑے ہِن، اِینویں کریساں جو او آ تے تیڈے پیراں اُتے ڈھے تے سجدہ کریسن تے منیسن جو مَیں تیڈے نال محبت رکھیندا ہاں۔