رومیوں 2:12 - کِتاب مُقدّس سرائیکی ترجمہ

¹² جیہڑے لوکاں کُوں شریعت نئیں مِلی تے گُناہ کریندے ہِن، او شریعت دے بغیر ہلاک تھیسن تے او جِنہاں کولھ شریعت ہے تے گُناہ کریندے ہِن، اُنہاں کُوں شریعت دے مطابق سزا مِلسی۔

رومیوں 2:12 Iomraidhean Croise

متّی 11:22

پر مَیں تُہاکُوں آدھا ہاں جو عدالت دے ڈینہہ صور تے صیدا دا حال تُہاڈے حال کنُوں زیادہ برداشت دے لائق ہوسی۔

متّی 11:24

پر مَیں تُہاکُوں آدھا ہاں جو عدالت دے ڈینہہ سدُوم دا حال تَیں کنُوں زیادہ برداشت دے لائق ہوسی۔“

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

رومیوں 1:32

بھانویں او خُدا دا ایہ حُکم جانڑدے ہِن جو ایجھے کم کرݨ آلے موت دی سزا دے حقدار ہِن، وَل وی نہ صرف او آپ اِیہو کم کریندے ہِن بلکہ ایجھا کرݨ آلے کُوں چنگا سمجھدے ہِن۔

رومیوں 4:15

کیوں جو شریعت غضب گِھن آندی ہے تے جِتھاں شریعت نئیں اُتھاں حُکم عدُولی وی نئیں۔

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

1کُرِنتھِیوں 9:21

جِنہاں دے کولھ شریعت نئیں، اُنہاں دے وچال مَیں بغیر شریعت آلا بنڑیا تاں جو اُنہاں کُوں جِنہاں کولھ شریعت نئیں گِھن آواں۔ بےشک مَیں خُدا دی شریعت تُوں ازاد نئیں بلکہ مسیح دی شریعت دے تابع ہاں۔

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

یعقُوب 2:10

کیوں جو جے کوئی ساری شریعت اُتے عمل کرے پر کہیں ہِک حُکم دا نافرمان ہووے تاں او ساری شریعت دا قصُوروار کھڑدے۔