رومیوں 16:7 - کِتاب مُقدّس سرائیکی ترجمہ

⁷ اندرُنِیکُس تے یُونِیاس کُوں سلام آکھو۔ او میڈے رشتہ دار ہِن تے میڈے نال قید ہَن تے رسُولاں ءچ مشہور ہِن تے مَیں کنُوں پہلے مسیح ءچ شامل تھئے۔

رومیوں 16:7 Iomraidhean Croise

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

یُوحنّا 15:2

جیہڑی ٹاہنڑی میڈے ءچ ہے پر پھل نئیں ڈیندی اُونکُوں او کپ سٹیندے، تے جیہڑی پھل ڈیندی ہے اُونکُوں او چھنڈیندے تاں جو او زیادہ پھل ڈیوے۔

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

رومیوں 16:10

اَپلِّیس کُوں سلام آکھو جیہڑا مسیح ءچ مقبول ہے۔ اَرسِتُبُولُس دے گھر آلیاں کُوں سلام آکھو۔

رومیوں 16:11

میڈی قوم آلے ہیرودیون کُوں سلام آکھو۔ نَرکِسُس دے اُنہاں گھر آلیاں کُوں سلام آکھو جیہڑے خُداوند دے لوک ہِن۔

رومیوں 16:21

میڈا ہم خدمت تِیمُتِھیُس تے میڈی قوم آلے لُوکِیُس، یاسون تے سوسِپطرُس تُہاکُوں سلام آدھے ہِن۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔

رومیوں 16:6

مریم کُوں سلام آکھو، جئیں تُہاڈے واسطے بہُوں محنت کیتی۔

رومیوں 16:8

اَمپلیاطُس کُوں سلام آکھو جیہڑا خُداوند ءچ میڈا عزیز ہے۔

رومیوں 16:9

اُربانُس کُوں جیہڑا مسیح ءچ ساڈا ہم خدمت ہے تے میڈے عزیز استخُس کُوں سلام آکھو۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

رومیوں 9:3

کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 12:2

مَیں مسیح اُتے اِیمان رکھنڑ آلے ہِک بندے کُوں جانڑدا ہاں جیہڑا چوڈھاں سال پہلے اچانک تریجھے اسمان تئیں چا گِھدا گِیا۔ مَیں نئیں جانڑدا جو او جِسم ءچ یا بغیر جِسم دے چاتا گِیا، خُدا ای جانڑدے۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

گلتِیوں 1:22

یہُودیہ دیاں مسیحی کلیسیاواں میکُوں ذاتی طور تے نہ جانڑدیاں ہَن۔

گلتِیوں 2:2

میڈا اُتھاں ونجنڑ ہِک مُکاشفہ دی وجہ تُوں ہا۔ مَیں اُنہاں لوکاں نال جیہڑے کلیسیا ءچ وڈے راہنما سمجھے ویندے ہَن، کلھیپے ءچ مُلاقات کیتی تے اُنہاں کُوں او خوشخبری پیش کیتی جیہڑی مَیں غیر قوماں کُوں سُنڑیندا ہم۔ میں نئیں چاہندا جو میڈی او بھج دھروک جیہڑی مَیں پہلے کیتی ہئی تے ہُنڑ تئیں کریندا ہاں، بے فائدہ تھیوے۔

گلتِیوں 2:6

جماعت دے او لوک جیہڑے وڈے سمجھے ویندے ہَن (او کیجھے وی ہَن، میکُوں اِیندے نال کُجھ واسطہ نئیں کیوں جو خُدا کہیں بندے دا طرفدار نئیں،) اُنہاں میڈی تبلیغ ءچ کُجھ اضافہ نہ کیتا۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

فِلیمون 1:23

اِپَفراس جیہڑا مسیح یسُوع دی خاطر میڈے نال قید ہے، تیکُوں سلام آدھے۔

1 یُوحنّا 4:13

خُدا آپنڑا رُوح القُدس ساکُوں ڈِتے، اِیں واسطے اساں جانڑدے ہیں جو خُدا ساڈے ءچ راہندے تے اساں اُوندے ءچ۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔