رومیوں 15:6 - کِتاب مُقدّس سرائیکی ترجمہ

⁶ تاں جو تُساں رَل تے ہِک زبان تھی تے ساڈے مالک یسُوع المسیح دے خُدا تے باپ دی تمجید کرو۔

رومیوں 15:6 Iomraidhean Croise

یُوحنّا 20:17

یسُوع اُونکُوں آکھیا، ”میکُوں پکڑی نہ رکھ کیوں جو مَیں حالی تئیں باپ دے کولھ اُتے نئیں گِیا، بلکہ وَنج تے میڈے بِھرانواں کُوں ڈسا جو مَیں آپنڑے باپ تے آپنڑے خُدا دے کولھ ویندا ہاں جیہڑا تُہاڈا وی باپ تے خُدا ہے۔“

اعمال 4:24

جِیں ویلے اُنہاں ایہ سُنڑیا تاں ہِک دل تھی تے خُدا کنُوں دُعا کیتی جو ”مالک! تُوں اسمان، زمین تے سمندر تے جیہڑا کُجھ اُنہاں ءچ ہے، سبھ کُوں بنڑایا۔

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

2کُرِنتھِیوں 1:3

ساڈے خُداوند یسُوع مسیح دے خُدا تے باپ دی حمد ہووے جیہڑا بہُوں ای رحیم باپ تے ہر طرحاں دی تسلی ڈیوݨ آلا خُدا ہے۔

2کُرِنتھِیوں 11:31

خُداوند یسُوع دا خُدا تے باپ، جیندی ہمیشاں تئیں حمد تھیوے، جانڑدا ہے جو مَیں کُوڑ نئیں مریندا۔

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

اِفِسیوں 1:3

ساڈے خُداوند یسُوع مسیح دے خُدا تے باپ دی حمد ہووے جئیں ساکُوں مسیح ءچ اسمان دی ہر رُوحانی برکت بخشی ہے۔

کلُسِّیوں 1:3

اساں جِیں ویلے وی تُہاڈے کیتے دُعا کریندے ہیں تاں ہمیشاں آپنڑے خُداوند یسُوع المسیح دے باپ، یعنی خُدا دا شُکر ادا کریندے ہیں

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

مُکاشفہ 1:6

تے ساکُوں ہِک بادشاہی یعنی آپنڑے خُدا تے باپ دی خدمت کیتے کاہِن وی بنڑایا۔ جلال تے قُدرت ہمیشاں تئیں اُوندی راہوے۔ آمین۔